大少爺茶餐廳 (已結業)

睇完楼下两篇对海南鸡饭高度评价0既食评, 又0黎凑0下热闹, 今日0黎试试呢度的泰式海南鸡饭($52).坐低order 完系2 分钟就有得食... 先饮啖冬瓜汤, 好「住家」0既味道, 相信即使有人造味精都系少之又少, 唔错; 鸡已去骨, 一见大部分系鸡翼位置, 大喜! 食落系新鲜鸡的味道, 肉质唔算好滑, 不过绝对唔0鞋的; 鸡皮就最正, 滑滑的又鸡味浓郁, 可惜个别有几块几厚又黐住一旧旧肥膏, 唯有自行咬掉佢. 油饭粒粒分明, 唔系咁油, 好在几香, 而且加少少酸酸辣辣的酱汁0黎食, 都好滋味. 虽然我偏爱新加坡式海南鸡饭, 始终泰式同新加坡式亦有少少分别, 但乜式都好, 今次呢碟海南鸡饭绝对系我so far 0系香港食过最好食的海南鸡饭(连一向觉得已经好掂的好时都要行埋一边), 极力推介!环境ok, 虽然non-卡座位密密麻麻, 但梳化椅都坐得舒服, 而且呢度似港式西餐厅多过茶餐厅, 好干净企理又完全唔嘈; 招呼就无乜特别.食完系开心得想大笑, 一定会再帮衬食海南鸡饭!