影片
更多
2020-08-26
2988 浏览
近排天气好唔稳定，一时落大雨，转头又出晒太阳，好似马来西亚、新加坡咁，今日，就趁难得天气报告讲到明，全日阳光普照，就同老婆食完早餐就行转山，由美孚经几段山路，行到入大围，全程轻松行2.5小时左右，基本上喺零难度。而中午到达大围，就晌火车站附近嘅「红茶冰室」食个晏仔，贪其就脚，食完就可以过对面搭火车走。由于仲有限聚令关系，每枱只准坐两个人，所以，虽然餐厅地方都几大，更有埋楼上，但好易「爆满」，幸而茶记嘅客流量快，我哋都唔使等好耐。餐具、调味料、纸巾，就拉开枱侧下面嘅柜桶就见，依家去好多茶记嘅「指定」设计，所以，唔好吓吓举手嗌侍应，先摸摸枱边有无「机关」。基本餐牌就好似啲旧式茶记咁，摄晒入枱面玻璃下，影出嚟有啲反光，唔喺好清，幸好有啲外卖单张攞，索性扫描出嚟就更清楚。而选择，同大部份茶记差唔多，唯一特别喺，佢哋兼营埋面包铺，铺面另一边就喺大卖港式面包、蛋挞，所以，不时有新鲜出炉嘅面包，仲要一有出炉，侍应就会满场叫。故此，我哋都特登点咗其镇店之宝「招牌冰火菠萝油配经典红豆冰餐」（$26），睇睇会唔会拆招牌先！经典红豆冰咁嘅组合只卖$26，肯定喺抵食价嚟，先嚟杯红豆冰，够晒大杯呀，而且，劲多红
由于仲有限聚令关系，每枱只准坐两个人，所以，虽然餐厅地方都几大，更有埋楼上，但好易「爆满」，幸而茶记嘅客流量快，我哋都唔使等好耐。
餐具、调味料、纸巾，就拉开枱侧下面嘅柜桶就见，依家去好多茶记嘅「指定」设计，所以，唔好吓吓举手嗌侍应，先摸摸枱边有无「机关」。
基本餐牌就好似啲旧式茶记咁，摄晒入枱面玻璃下，影出嚟有啲反光，唔喺好清，幸好有啲外卖单张攞，索性扫描出嚟就更清楚。而选择，同大部份茶记差唔多，唯一特别喺，佢哋兼营埋面包铺，铺面另一边就喺大卖港式面包、蛋挞，所以，不时有新鲜出炉嘅面包，仲要一有出炉，侍应就会满场叫。
故此，我哋都特登点咗其镇店之宝「招牌冰火菠萝油配经典红豆冰餐」（$26），睇睇会唔会拆招牌先！
经典红豆冰咁嘅组合只卖$26，肯定喺抵食价嚟，先嚟杯红豆冰，够晒大杯呀，而且，劲多红豆，绝无欺场，啲红豆又腍又清甜，奶水唔会水汪汪无味，交足货。
经典红豆冰餐
58 浏览
0 赞好
0 留言
菠萝油又点呢？之前晌中环一家茶记都见过冰镇牛油，所以，唔觉有咩惊喜，不过，咪睇片牛油好大片，却喺好薄，少咗份一口咬落「牛油」嘅风味，而个菠萝包亦无预期咁热辣辣，但「菠萝皮」就真喺劲脆。
另外，餐厅有供应午餐，共有4款选择，包餐汤、餐饮，定价$57-$60，估唔到入到嚟大围嘅茶记都唔平，可能近港铁，净喺食「铺租」都占一大截啦。
罗宋汤（餐汤）餐汤如一般茶记，有红汤（罗宋汤）或白汤（金必多忌廉汤），选前者因为啱老婆饮多啲，忌廉汤就比较肥。而碗罗宋汤睇落都好对办，入口酸香而带点辣，又有好多蔬菜，够足料。
板烧猪脾肉配红酒野菌汁饭 $57卖相又几靓仔㖞，外貌其实有啲似猪扒饭配烧汁，但啲猪脾肉入口会比较有啲韧性，就正如好似食猪颈肉咁，唯挑剔位喺我哋两个都觉得有少少过咸，但仍可接受；而个红酒野菌汁又几唔错，红酒味就唔觉喇，有都挥发晒啦，但汁底浓郁，捞饭一流，啱我。
热奶茶（餐饮）热奶茶用番全统茶记厚身茶杯，保温力强，而杯奶茶嘅茶底甚香，茶奶比例好，虽然未至于超顺滑，但芳香馥郁，算喺有水准嘅港式奶茶。
同朋友whatsapp被问开，由美孚行到大围喺咪好辛苦，梗唔算啦，我老婆都行到，当日天气好好，就摆一、两张相分享吓。依家波就无得踢喇，周末行吓山喺唯一比较大运动量嘅活动嚟，疫情喺点都好，生活都要稍稍平衡吓，最紧要做足防疫，保持社交距离，三十度之下，戴住口罩行山，其实都OK架！
整体而言，「红茶冰室」嘅出品都有一定质素，不过，服务就普普通通，虽然无开声催你走，但收晒啲杯碟兼晌对讲机话62号就走，都唔好意思再坐太耐啫。睇佢嘅外卖单张，都晌九龙、新界多处有分店，唔知有无机会继续大展雄图，开到过嚟美孚，等小弟多个选择。
张贴
