影片
更多
2014-12-21
1871 浏览
好耐无见嘅朋友约小弟食饭聚一聚，无乜理由托手踭啫，况且，地点由佢定，最好就喺咁，唔使小弟依个挂名食家去谂。餐厅定晌德福嘅白熊吃茶店，都方便我吖，准时到无问题。德福一向旺，人流多，连带好多食肆都生意唔错，虽然，今晚喺闲日，依然见白熊有九乘几满，部份枱都翻到两转。餐厅一室以枫木为主，衬以仿砖墙，墙身又挂有唔少盆栽，朴实简洁，予人温暖安舒。虽然据知白熊以咖喱打响名堂，不过，亦有唔少其他菜式选择，如奄列蛋炒饭、意粉、意大利包、三文治、窝夫、芭菲……，出品比较多元化，饮品都有唔少特色，路线走近于日式咖啡室，所以，取名「吃茶店」，觉得佢意思都喺唔想出品太局限 。餐厅刚啱推出「圣诞及元旦套餐」，定价又唔算贵，分2位（$268+10%）或4位（$488+10%），包汤、沙律、主菜、甜品及餐饮，主菜又多款式，兼且够弹性。如果唔太大食嘅女生，点个二人份嘅相信3个人都够食，绝对划算 。餐汤有两款：味噌汤及忌廉粟米汤，无理由唔试晒架！ 味噌汤传统日式小木碗盛载嘅味噌汤，朋友话味道不俗，面豉味几香浓。 忌廉粟米汤粟米汤就当然唔喺罐头𠮶啲啦，个忌廉汤入口几顺滑，粟米味亦都突出，味道清甜天然。 温泉蛋樱花
德福一向旺，人流多，连带好多食肆都生意唔错，虽然，今晚喺闲日，依然见白熊有九乘几满，部份枱都翻到两转。餐厅一室以枫木为主，衬以仿砖墙，墙身又挂有唔少盆栽，朴实简洁，予人温暖安舒。
虽然据知白熊以咖喱打响名堂，不过，亦有唔少其他菜式选择，如奄列蛋炒饭、意粉、意大利包、三文治、窝夫、芭菲……，出品比较多元化，饮品都有唔少特色，路线走近于日式咖啡室，所以，取名「吃茶店」，觉得佢意思都喺唔想出品太局限 。
餐厅刚啱推出「圣诞及元旦套餐」，定价又唔算贵，分2位（$268+10%）或4位（$488+10%），包汤、沙律、主菜、甜品及餐饮，主菜又多款式，兼且够弹性。如果唔太大食嘅女生，点个二人份嘅相信3个人都够食，绝对划算 。
餐汤有两款：味噌汤及忌廉粟米汤，无理由唔试晒架！味噌汤
传统日式小木碗盛载嘅味噌汤，朋友话味道不俗，面豉味几香浓。
味噌汤
32 浏览
2 赞好
0 留言
粟米汤就当然唔喺罐头𠮶啲啦，个忌廉汤入口几顺滑，粟米味亦都突出，味道清甜天然。
温泉蛋樱花虾银鱼凯撒沙律 4人餐可以拣两客沙律，最直接就两款沙律试晒。依个沙律喺晌基本餐牌中嘅厨师推介嚟，个配搭都几特别，西式嘅凯撒沙律加入日菜元素：温泉蛋及樱花虾，淋上日式沙律汁，清新开胃，带点浓浓蛋黄香；最有趣添加咗大量银鱼薄条，就好似常见嘅木鱼刨丝咁，香脆得增加口感「脆」味 。
温泉蛋樱花虾银鱼凯撒沙律
37 浏览
1 赞好
0 留言
田园沙律 多款新鲜蔬菜以简单醋汁调味，对比之下，田园沙律就显得平实，但用料仍然食得出新鲜度。
田园沙律
42 浏览
2 赞好
0 留言
牛仔骨配牛咖喱汁
一客有4件牛仔骨，既然喺牛仔骨，当然配番牛咖喱汁。咪睇啲咖喱汁乌卒卒，始终喺日式咖喱，唔会太辣，而且香得嚟带点甜味，而牛仔骨煎得颇甘香，肉味挺浓，质感仍都软腍而富肉汁，比想像之中好㖞。
牛仔骨配牛咖喱汁
19 浏览
1 赞好
0 留言
酱烧猪肋骨 虽然唔喺晌美式餐厅，但啲烧猪肋骨做得一样有水准，一客同样有4件，件件都既大件，又烤焗得焦香。因为猪肋骨应已搽上烧烤酱，所以唔蘸咖喱汁一样咁惹味，咬落肉嫩带油香，越食越滋味。
酱烧猪肋骨
40 浏览
2 赞好
0 留言
温泉玉子牛肉咖喱焗饭 轮到另一类别，小弟觉得咖喱焗饭喺铁胆嘅选择，因为白熊嘅咖喱砖由日本总店制作，空运到香港再加工，质素自然稳定兼有质素。以日本肥牛入馔，配以牛肉咖喱汁，加芝士再烘焗，咁都已经非常吸引嘞，但加多一只温泉玉子，流紧口水未？将蛋浆、咖喱跟白饭捞匀，让美味渗在其中，每口饭真喺美味无穷 。
温泉玉子牛肉咖喱焗饭
58 浏览
5 赞好
0 留言
海鲜炒饭 若稍嫌白汁焗海鲜饭及卡邦尼意粉较为大路，依个海鲜炒饭应该颇有吸引力。饭粒炒得尚算分明，内里混入细细粒嘅墨鱼及虾仁，最正喺加入大量蟹籽，令个饭食落有种卜卜脆嘅口感 。
海鲜炒饭
25 浏览
5 赞好
0 留言
最后上场嘅甜品喺以北海道3.7牛乳所做嘅软雪糕新地，可拣士多啤梨口味或朱古力口味，其实都只喺淋上士多啤梨浆或朱古力浆而已。小弟拣咗后者，朱古力浆形成一丝丝「脆皮」，至于啲软雪糕十分软滑，极重奶香 。若然士多啤梨新地加粒士多啤梨，朱古力新地加片Oreo，卖相就更好睇！
软雪糕新地
24 浏览
5 赞好
0 留言
巨峰乳酸特饮
因为加咗乳酸，朋友话味道几清爽，巨峰味亦唔会太「药水」，又OK㖞。
巨峰乳酸特饮
24 浏览
2 赞好
0 留言
冰冻嘅抹茶雪冰绝对醒脑，抹茶味清香唔俗气，雪冰混有不少红豆碎，有别一般嘅红豆粒，整体几好饮。
日本抹茶红豆雪冰
54 浏览
2 赞好
0 留言
杂莓雪冰比抹茶红豆雪冰更醒神，因为唔单只够冰冻，而且，杂莓嘅酸香味非常明确，雪冰嘅质感亦都打得绵细。
杂莓雪冰
28 浏览
2 赞好
0 留言
招牌嘅鲜奶咖喱咖啡有3款口味：榛子、焦糖、云呢拿，今次就放弃至爱嘅焦糖味，改饮榛子先。将忌廉跟咖啡搅匀，口感颇柔滑，其实榛子味唔会太突出，不过，晌醇香嘅咖啡中慢慢渗出微微嘅咖喱味，感觉又真喺几得意 ，夹得嚟唔会有种古怪嘅感觉，值得一试。
榛子鲜奶咖喱咖啡
29 浏览
4 赞好
0 留言
张贴
