大師傅粥品 (已結業)

大师傅粥品呢度地方都几宽阔， 座位大概40个左右即刻睇下有咩食先， 价钱嚟讲唔算太贵可以接受。支装豆浆油炸鬼咸肉粽配豉油咸肉粽人钟意落糖亦有人钟意配匙油， 而我你就系后者嘅， 佢呢只咸肉粽一边系有咸蛋黄嘅， 而精髓当然就系个豉油， 通常最好嘅时候都好好食嘅，但系呢个略嫌逊色咗少少 ，甜度同咸度既配合中，咸度略为重手咗少少。生滚鲜牛肉粥牛肉粥粥底细滑， 食落有绵绵嘅感觉， 由于我唔食葱嘅所以叫咗走青， 但粥入面会有少少姜丝去僻走腥味， 而牛肉嘅牛肉味并唔重， 值得一赞嘅系佢个油炸鬼， 虽然唔够热 ，但食起嚟脆卜卜， 而将油炸鬼点落粥度食， 食起嚟唔会太油又唔会好厌。埋单65蚊唔需要加一， 价钱都算合理实惠。