影片
更多
2008-02-08
9 浏览
之前已經想試，不過果次好似話廚房唔知壞乜所以最後食唔到，今次見冇乜人就試下啦．．．兩條友，叫左四樣野：１．拼盤（＄６０）去未食過既餐廳梗係叫拼盤啦，貪佢一次可以試幾樣野。個拼盤有三隻雞翼，三條春卷，兩串串燒。由最差開始：串燒：佢燒得好好野，一ｄ燒烤味都冇，ｄ肉仲要淡而無味，我係屋企自己將ｄ肉調味之後放入叮叮到叮熟都好過佢。春卷：細條都算，入面ｄ料又係乜味都冇，唯一可取係ｄ皮都仲脆脆地。雞翼：成個拼盤最好係佢，並唔係話佢有乜特別好味，而係佢只係同街邊六蚊串果ｄ雞翼咁，不過不失，普普通通。總結：呢個ｘｘ拼盤（我唔記得左佢個名係叫乜喇）絕對唔值呢個價，真係俾六十蚊買ｄ燒烤包返屋企叮出黎都好味過佢！２．娘惹雞肉炒河（＄４８）呢碟野，同樓下乾炒牛河味道一樣，但係份量頗細，都係果句，唔值呢個價。如果計佢個鋪租等等可能貴，我俾到盡佢都只係值＄３０（以樓下一碟好味好多既乾牛河都只係＄２０計）３．海南雞飯（＄４８）香港大部份雪藏雞，都唔會期望佢會有乜雞味，但係冇理由仲差過白切雞呀？ｄ雞仲要唔係整得腍喎，而係有少少鞋。到ｄ飯，雖然唔係好似前面ｄ人咁講係白飯，但係呢個所謂既油飯真係仲差過前面ｄ人講既白飯！油
兩條友，叫左四樣野：
１．拼盤（＄６０）
去未食過既餐廳梗係叫拼盤啦，貪佢一次可以試幾樣野。個拼盤有三隻雞翼，三條春卷，兩串串燒。
由最差開始：
串燒：佢燒得好好野，一ｄ燒烤味都冇，ｄ肉仲要淡而無味，我係屋企自己將ｄ肉調味之後放入叮叮到叮熟都好過佢。
春卷：細條都算，入面ｄ料又係乜味都冇，唯一可取係ｄ皮都仲脆脆地。
雞翼：成個拼盤最好係佢，並唔係話佢有乜特別好味，而係佢只係同街邊六蚊串果ｄ雞翼咁，不過不失，普普通通。
總結：呢個ｘｘ拼盤（我唔記得左佢個名係叫乜喇）絕對唔值呢個價，真係俾六十蚊買ｄ燒烤包返屋企叮出黎都好味過佢！
２．娘惹雞肉炒河（＄４８）
呢碟野，同樓下乾炒牛河味道一樣，但係份量頗細，都係果句，唔值呢個價。如果計佢個鋪租等等可能貴，我俾到盡佢都只係值＄３０（以樓下一碟好味好多既乾牛河都只係＄２０計）
３．海南雞飯（＄４８）
香港大部份雪藏雞，都唔會期望佢會有乜雞味，但係冇理由仲差過白切雞呀？ｄ雞仲要唔係整得腍喎，而係有少少鞋。到ｄ飯，雖然唔係好似前面ｄ人咁講係白飯，但係呢個所謂既油飯真係仲差過前面ｄ人講既白飯！油飯冇味，而且我懷疑佢將煮前面果個人講既白飯所落多左既水，係呢煲飯到落番少ｄ補番ｄ水費！因為ｄ飯好明顯係係熟與不熟之間的邊緣！講埋跟呢個飯既湯，呢個湯真係好適合ｄ唔食味精既朋友，因為佢只係染左色既水！
之前係中環返工，係中環翠華既海南雞真係好好多，雞大份ｄ，入味ｄ，味飯真係有飯，仲有杯野飲跟，都係咁既價咋！
４．咖哩薯蓉烤餅（＄３０）
個名唔知有冇記錯，不過呢個算係最好果樣野，原因就係因為果塊薄餅實在太難整得唔好食，而且只係包住ｄ咖哩味薯蓉。至於呢個價．．．當你試完前幾樣僅比垃圾好的食物，你就會覺得佢唔錯！
講完菜式講環境，坐到埋位光光猛猛好似唔錯，但係一拎起個杯望下杯底遮住個位，點解會有ｄ頭髮係水印上面既？
到食到咁上下，佢黎收碟喇，但係竟然係我同我朋友都未叫埋單既情況下黎收走我ｄ餐具，連鋪台果張紙都收埋，果陣都只係八點鐘到，唔係咁趕收工呀？
唯一好彩攞番ｄ分既，係呢間野仲會係見到我果杯冇水既時候主動幫我加番ｄ水，算係咁啦．．．
總括而言，呢間野應該都係唔預ｄ客會返轉頭再食架喇，唔係都唔會俾ｄ咁既野人啦．．．
兩個人食二百幾，唔係太貴，但係，點解我俾二百幾都只係得呢ｄ連茶餐廳都不如既野先？一句，唔會再幫趁！
张贴