影片
更多
2024-02-11
936 浏览
一星都无，大年初一卜咗房念住开开心心过年。5点几去到，一入到去就见到原本卜左𠮶间房已经有其他客人喺入边打紧麻雀，转咗另一间更细的房俾我地。新年前几个月已经特登上去book房，𠮶时经理仲俾我哋睇咗几间房，咁𠮶时就拣定咗一间大少少坐得舒服少少嘅房，即时俾埋$1000订金。到咗大年初一正日，一入到门口，接待处女经理一开始话换了更大嘅房间俾我哋，想焗我哋用𠮶间又细又霉嘅房。后来我地坚持要番个间房，佢地唔够讲就反口话卜房唔会有指定房俾客人拣！态度非常恶劣，一句道歉都无，仲同我地讲佢要食饭，私人时间，叫我地自己揾其他人处理。另外，盛记好污糟，见到3个男职员都系指甲全黑边，连空气也有霉味，饮茶嘅杯都白蒙蒙，有油渍。本身卜间房，念住打麻雀，房入面有两张麻雀枱两盒麻雀，其中一盒麻雀上面贴咗张纸写住「唔齐」，仲要好污糟，黐立立上面好多黑色斑点，麻雀枱又烂，听到隔篱房打牌打到五只南。我哋book咗两围枱，埋单要成万蚊，咁嘅服务态度同卫生情况，一千蚊订当比钱乞儿，止蚀离场。
新年前几个月已经特登上去book房，𠮶时经理仲俾我哋睇咗几间房，咁𠮶时就拣定咗一间大少少坐得舒服少少嘅房，即时俾埋$1000订金。
到咗大年初一正日，一入到门口，接待处女经理一开始话换了更大嘅房间俾我哋，想焗我哋用𠮶间又细又霉嘅房。后来我地坚持要番个间房，佢地唔够讲就反口话卜房唔会有指定房俾客人拣！
态度非常恶劣，一句道歉都无，仲同我地讲佢要食饭，私人时间，叫我地自己揾其他人处理。
另外，盛记好污糟，见到3个男职员都系指甲全黑边，连空气也有霉味，饮茶嘅杯都白蒙蒙，有油渍。
本身卜间房，念住打麻雀，房入面有两张麻雀枱两盒麻雀，其中一盒麻雀上面贴咗张纸写住「唔齐」，仲要好污糟，黐立立上面好多黑色斑点，麻雀枱又烂，听到隔篱房打牌打到五只南。
我哋book咗两围枱，埋单要成万蚊，咁嘅服务态度同卫生情况，一千蚊订当比钱乞儿，止蚀离场。
张贴