女人街食飯公司

营业中

休息中

想试好耐，之前有返4人1枱，就捉埋啲朋友仔一齐黎试～呢度既装修似大排档mix酒楼～大排档喺香港买少见少…有呢类地方保存仅有既风味都好过冇～1️⃣ 凤梨怀旧咕噜肉（$108）又香卖相又吸引！猪肉就偏瘦，不过对我呢啲唔好肥肉既人黎讲就冇乜问题～🙂2️⃣豉椒炒大蚬（$128）酱汁惹味，香得黎带微微辣～蚬好大只，而最抵赞系唔会食到一口沙！👏🏻3️⃣黑松露厚虾多士（$28/件）未上枱隔住口罩都闻到，即刻想除口罩食！😝非常香脆，虾胶亦好爽口！4️⃣马拉盏通菜炒牛肉（$98）通菜有啲老...🥸唯一一碟麻麻地…5️⃣胡麻鸡丝粉皮（$58）前菜黎讲好大碗，胡麻汁多都见唔到粉皮～好钟意粉皮质地，软得黎又烟韧烟韧！😍🔅如果喺有楼名既大堂搭升降机，出升降机后要转左，然后沿一条路仔先返到去正门。如果出升降机转右就会去左佢地既厨房。