十八樓江南廚房 (已結業)

尋晚去完大角咀睇展覽然之後成九點幾先去食飯，我哋兩個人都揀呢間小店試吓，門口見價錢唔係好貴，環境企理，入到鋪頭電橋已經好親切打招呼同送上兩杯暖水，介紹呢間小店嘅主廚原來大有來頭（對唔住我唔記得左邊兩間好出名嘅食店😅），小炒好出名！湯面嘅話用雞去「咬」湯，如果叫牛腩麵入邊亦都係冇味精嘅湯底啲湯都可以飲埋！店員亦都好親切咁去講解同埋推薦我哋食啲乜野好。另外一個就係飲品佢哋主打奶茶王！奶茶師傅都係之前拎過奬嘅！嘢食黎講覺得全部都好好食特別係香菇津白同埋雙椒炒排骨！牛腩麵都係誠意推介！