CHEF STAGE de Eddy Chu (已結業)

挨过咗好忙碌好忙碌嘅一个星期，终于等到星期五可以同老公食返餐好嘢！左谂右谂，决定黎大厨Eddy Chu的餐厅，好好咁享受一餐晚餐。踏入餐厅，见到差唔多全场满座，好在我哋book咗位，不过就book得比较迟，坐唔到窗口位，如果唔系坐系窗口位望出去都应该几正。餐厅灯光幽暗，每张枱面都有小小的蜡烛，颇有情调。打开餐牌，发现好多野想食，又有比较抵食嘅套餐，但最后我哋就决定咗散叫。我哋叫咗两杯饮品、三个前菜、两个汤同埋两个主菜，真系非常丰富饮品好快到左。左边嘅系sangria，红酒加左少少苹果粒，酒味唔算浓烈，好易入口；右边嘅系水果茶，又系酸酸甜甜咁，几refreshing。两杯饮品都好清新，唤醒晒我哋嘅味蕾，准备迎接呢餐丰富嘅晚餐。呢个乳酪芒果大虾沙律真系必食嘅推介！讲真，沙律其实只要蔬菜用料新鲜，个酱汁正正路路，就唔会难食得去边；然而，呢个沙律突出之处系佢加左啲乳酸味爆爆珠（即系平时可以加喺珍珠奶茶或者泡冰𠮶啲），加埋新鲜嘅芒果同蔬菜，仲有爽口弹牙嘅熟虾，口感同味道都非常丰富之后就到烤乳鸽，佢上枱嘅时候，我哋好自然咁问个侍应有冇淮盐，侍应就即刻同我地讲，我哋试完就知道系唔需要点淮盐的！果然，