大飯糖甜品小食屋

营业中

休息中

踩完单车又系时候充充电，今日去既哩间小店，除左甜品小食，仲有快餐饭面类，非常多元化，一次过满足哂各人口味。去到岩岩好系下午茶时段，部份饭面小食奉送餐饮，我地就叫左个三重起司粟米猪颈肉饭加柚子蜜。哩个饭真系好邪恶，上面除左芝士粉之外，下面仲有块芝士溶左系白汁里面，芝士味浓。食落又有啲粟米汤味道。猪颈肉好淋，唔错👍🏼。因为经典香肠牌就黎停产，依家要食多啲肠仔先得🤤，加左咖哩既肠仔都一样咁好味。哩到既心太软真系好掂😍，蛋糕焗到岩岩好，唔会好干身。蛋糕里面既朱古力酱仲好流心。雪糕球雪到好冰硬，可以边食边倾计，雪糕球都唔会好快溶哂。魔鬼三兄弟，就多左个3.6朱古力奶冻。一次过尝尽三种唔同既朱古力制品，朱古力控一定要试🤤！奶冻好滑，好香奶味。食既时候建议先食奶冻后食心太软，因为心太软朱古力味浓，会盖过奶冻味道。