Girlboss by Master Kama (已結業)

整间餐厅都系粉红色，少女心爆发💗今次同妹妹去试左个bossy royal set，我地拣左2个餐汤（今次系南瓜汤）味道不错，前菜方面拣左girl’s分享盘，里面最特别系个猪软骨饺子同埋鸡串，鸡串入面系有鸡软骨，所以特别有咬口，反而鸡翼同米纸卷就冇乜特别，薯条除左普通薯条外仲包含蕃薯条，加埋shake粉就好食。主菜拣左一口安格斯西冷，唔会太林又唔会太韧。最后食埋海胆忌廉蟹肉意粉同埋意式龙虾海鲜薄饼，意粉上面既蟹肉都几多，加埋芝士同海胆，又唔会好漏，薄饼虽然好脆但上面只得一粒龙虾，有d失望。额外叫左饮品iced chocolate fantasy，上面充满唔同颜色既绵花糖，而且有浓浓既朱古力味，不过略嫌太甜。员工态度都几好，提醒我地要先食个意粉，否则冻左就唔好食。要注意番前菜系可以拣2款但如果拣girl’s分享盘就只可以1款，因为佢系full portion，所以大家要睇下拣咩。另外入面冷气都比较大，大家可以带件外套，如果要影相既话就唔好太耐，如果唔系d食物就好快冻唒。