沐白小農 (已結業)

今日天气太热，真系要饮返杯台式饮品消消暑！同老公同埋阿妹咁啱经过沐白小农又未试过，当然要试下佢～🔸黑糖波霸鲜奶 珍珠好烟韧，鲜奶味浓而且好滑，黑糖味又唔会太甜，nice! 我阿妹最钟意呢个～🔸大甲芋头鲜奶 我本身好钟意食芋头，所以觉得呢个好好饮，啲芋头好靓好粉！同鲜奶好夹～而且入面有有半杯芋头粒粒，好足料，好抵饮！钟意食芋头既人一定大爱！❤️🔸鲜柠益力多沙冰(中间个杯)咁热既天气，饮反杯沙冰真系好舒服！佢个益力多味一啲都无沟淡，同原枝益力多差不多味，不过唔记得叫小甜，个人觉得甜左啲！