Cafe Ursus (已結業)

上纲见到食评大赞这裹的炸珍宝菇好吸引，所以专程入九龙城一试。门面看落几raw，带点玩味。内里地方宽敞，摆放了形形色色的玩具，有点复古摆设。一坐底即刻叫咗期待已久的炸珍宝菇。炸珍宝菇配黑松露他他酱 ($68)珍宝菇又大旧又多汁，仲要好香菇味，炸得外脆内软，非常松化。面层洒上幼盐令珍宝菇味道更鲜甜。黑松露他他酱酸酸地，使人开胃之余又可减低油腻感。黑松露味道虽然唔系好浓，但能清楚尝到它的香味，跟他他酱好夹！蕃薯薯条 ($28)大爱！薯条炸得脆之余又唔会好油好干，蕃薯本身好香甜，质感粉绵，再在面上洒上少少幼盐，真系好好食！份量仲好多添！紫薯牛奶 ($38)牛奶口感好绵好滑，紫薯味够浓，而且味道天然。温泉蛋卡邦尼饮管粉 (lunch set $98)饮管粉即是中间空心的意粉，口感比一般意大利粉粗身烟韧，可以防止煮得太腍变咗一pat野的风险; 但亦因为咁，饮管粉比较硬，未必个个钟意，加上面粉味偏重，抢过了酱汁的味道，如果多加酱汁可能会好啲。