湘聚漁樂圈 (已結業)

近排工作忙冇时间返内地，好挂住深圳食到嘅酸菜鱼。今日就同个志同道合嘅朋友去咗一间铜锣湾嘅湘菜店。见到老板操普通话，同埋有几多内地人帮衬，应该唔错。二话不说点个酸菜鱼，$188𠮶个系鲈鱼。其实水煮鱼同其他水煮菜都好吸引，不过夏天都系想食返啲酸酸地嘅菜。另外叫咗酸辣土豆丝仲有湖南小炒肉酸菜鱼第一次见酸菜鱼成条上，见到鱼头鱼尾冒出汤面，上面仲加咗d菊花花瓣。鱼肉都滑嘅，冇骨，份量足够有大量酸菜同百叶豆腐同酸菜鱼好夹嘅凉皮，依个凉皮几厚身，比汤浸到腍哂入哂味。酸辣薯丝做得好出色，刨得幼细之余仲好爽脆，酸味辣味好balance. 系食过最好食嘅薯丝之一。湖南小炒肉朋友点嘅，不过不失啦，有镬气，用咗大量青椒炒肉片，青椒有少少辣可接受。最特别嘅系放咗个锅喺d火上面，keep住𩠌个温度。整体嚟讲都算满意嘅一餐。