汀汀烤活魚 (已結業)

我最钟意既，就系食鸡煲。系鸡煲蔚然成风既时候，我钟意食，系鸡煲风潮似退既时候，我依然不改喜欢。今次揾左几个一样钟意食鸡煲既老死出黎聚，之所以要黎依间，唔只系因为佢有鸡煲，而且佢既鸡煲有加花甲，感觉特别。一段时间冇黎，水准依然keep得唔错，麻辣鸡煲既麻味，同埋鸡件既嫩滑，一样都系咁诱人。花甲鲜爽入味，不过以我爱海鲜既程度，依个当然系唔足够既，所以我地食完鸡煲之后就拿拿林食火锅。首先系食火锅必点既肥牛，跟住仲落左鸡件，猪肉，同埋我专登点既贵妃蚌。我一向都好钟意贵妃蚌个种好爽既口感，依个贵妃蚌几新鲜，新鲜灼好之后抹下豉油食，索索声，好过瘾。其实我地系度算系几反主流，因为差唔多枱枱都有喊烤活鱼，不过佢既鸡煲同火锅配料都水准唔错，我觉得食得开心。下次可能黎食下烤活鱼，因为依个先系佢既招牌菜嘛，哈哈。