牛之鍋

营业中

休息中

平时放题食得多，主打鳗鱼嘅真系比较罕见，餐厅前排推咗个风味烤鳗火锅放题，可无限追加烤鳗鱼，食完之后就加汤打边炉！鳗鱼可按个人喜好选择软硬程度，炉到自己觉得好食嘅口感，入口滑溜香嫩，无骨啖啖肉，酱香味突出，十分美味😋 另外仲有超过150款日本料理、火锅配料、即制甜品，汽水啤酒，两小时任饮任食真系预咗会肥几磅，惨惨猪😥 日本料理有齐和牛、刺身、海鲜、寿司、炸物同烧物，款式好多，估计大胃王先可以食得晒！最推嘅有呢几款，带子滑溜新鲜、芝麻鸡翼外脆内嫩，紫心香芋丸烟烟韧韧，馅料爆满、芒果吉列虾卷口感味道丰富、烧菠萝超级juicy、肥牛嫩滑唔嚡、海蜇沙律十分开胃，值得encore～ 另外一定要记得留肚食甜品，焦糖炖蛋、杨枝/榴梿甘露、班戟、仙草麻薯、咖啡奶冻、牛奶炖蛋白、芒果布甸、冰糖木瓜雪耳、软雪糕窝夫、巨峰提子绵绵冰，个人最钟意芭菲同蓝莓芝士杯，甜度适中，冻冻地帮助解腻，食到舔舔脷🥹