聰少甜品 (已結業)

一路都唔知原来聪少系聪嫂啲fd⋯⋯一直行过都以为系抄既，咁岩都有龙眼冰。直至朋友话系集团先知，算我孤陋寡闻啦，哈哈。我觉得聪少装修好好多㖞，可能系因为新开既关系啦，所有野都劲新净，又modern。我地一行5人，不过太夜叫左4个甜品姐。当然要叫最出名既龙眼冰，真心系我甜品中既one of my favourite，龙眼劲清香又真系食到粒粒龙眼肉。好正呀，夹埋啲冰无论冬天夏天食都一绝！不过我就真系好好奇，点解龙眼冰会平过龙眼冰豆腐花，奇怪奇怪。朋友就叫左啲芒果野食，可能芒果未好当做啦，唔够甜，系一般甜品店水准啦，冇乜惊喜。龙眼冰真系令人念念不忘，不过系香港地食甜品真心唔平，40蚊上落够食一个饭啦。为左龙眼冰，我觉得值。