大慶燒味飯店 (已結業)

所谓秋风起，食腊味，今日就由我介绍各位去一间抵食夹大件的腊味店「大庆烧味饭店」。 呢间烧味店一样卖叉烧、油鸡，所唔同嘅系呢度啲烧味饭系肉多过饭，而且仲唔系头头尾尾，真系啖啖肉。油鸭饭（即腊鸭饭）系镇店之宝。 唔睇清楚仲以为佢俾错白卤水鹅饭，鸭肉铺满饭面…边有可能？！咸死人啦.…… 但食落又唔系咁咸，应该系浸过嘅，啖啖肉，唔太靱，仲好有囗感添！反而送嘅花生汤就咸咗啲，不过26蚊，交足料，仲想点？ 最紧要系可以大啖大啖咁食，唔怕咸，真系未谂过可以咁食腊鸭，靓！地址向湾仔轩尼斯道修顿球场对面，凉茶第一家隔篱两个舖位。外卖比堂食平，地方矜贵嘛！