UCC COFFEE SHOP

营业中

休息中

与5个友人共聚，一同前往UCC晚餐。主菜另+$2X转餐，包括有餐汤、沙律及饮品。自助沙律可以将沙律放到好高好大碟，不过太大碟又惊食唔晒。沙律食物款式虽选择唔多，但基本食物如薯仔、菠萝、生菜、桃、螺丝粉、Jelly等俱全，与友人一人啰一大碟 好开心! 最好食系Jelly，粒粒都好大粒，特意啰左一大碟Happy Share。不过等主菜上菜好慢，催促左都要等足近半小时先有得食，而圆餐枱太细，当所有主菜到齐，完全无位摆。首先来个墨汁饭，墨汁饭好入味，每一口都食到好浓郁的墨汁。由于饭煮得好黏身，所以食落有黏答答的感觉，并配合烟烟韧韧的墨鱼。虽然食完满牙齿都会变左黑色，但好好味，值得推介啊另白汁鸡肉意大利饭，饭身亦煮得好黏身，鸡肉不会太老，最好食的系上层的蛋，一吉开，金黄色的蛋心流出来，与意大利饭混合一齐食，令饭更惹味!焗芝士菠菜三文鱼螺丝粉就麻麻地，虽然烟三文鱼焗得好香，又唔会散晒，但觉得芝士加得太多，菠菜份量又好少，变得好腻不过整体食物尚算不错，但无论上菜及埋单都好慢，要不继催促。