影片
更多
2010-07-28
84 浏览
在下第一次参加试食会，首先要多谢金田长寿司同openrice搞依个function!!! 环境：金田长个水牌好大，远一远都睇到，所以唔怕荡失路，不过大家要行几级楼梯既。当日 T3 落雨，好彩扇门系电动既，唔系我两手都系野会狼狈。餐地方唔算大，装修简单，光线柔和。虽然佢冇房，不过都为是次活动间开左个corner，放两张枱比我地试食团开餐。更为我地制作一系列既试食菜式（厨师用左成个月谂架！）。埋位坐低见到个精美既试食menu（老板话系个team亲手造架）有少少感动，因为觉得好认真，自己有少少贵宾feel添，hehe。服务：全晚最落力当然系老板Tommy哥哥，成晚讲解食物来源，创作概念，完全冇冷场。要照顾一个大party其实系好吃力架，不过见到老板assign左成 team人黎服侍我地，睇得出佢好有诚意。所有人都好努力，而且态度诚恳有礼，只系有几个厨师个样比较严肃。不得不提：好多时我个位会有好多垃圾（干纸巾，湿纸巾，骨），不过因为工作人员效率高，所以都好快变得好干净，赞。味道：Welcome drink: （一埋位哥哥仔就走过黎话比我地知，为欢迎我地，一人会有一杯特饮：A) 北海道牛乳雪葩
环境：
金田长个水牌好大，远一远都睇到，所以唔怕荡失路，不过大家要行几级楼梯既。当日 T3 落雨，好彩扇门系电动既，唔系我两手都系野会狼狈。餐地方唔算大，装修简单，光线柔和。虽然佢冇房，不过都为是次活动间开左个corner，放两张枱比我地试食团开餐。更为我地制作一系列既试食菜式（厨师用左成个月谂架！）。埋位坐低见到个精美既试食menu（老板话系个team亲手造架）有少少感动，因为觉得好认真，自己有少少贵宾feel添，hehe。
服务：
全晚最落力当然系老板Tommy哥哥，成晚讲解食物来源，创作概念，完全冇冷场。要照顾一个大party其实系好吃力架，不过见到老板assign左成 team人黎服侍我地，睇得出佢好有诚意。所有人都好努力，而且态度诚恳有礼，只系有几个厨师个样比较严肃。不得不提：好多时我个位会有好多垃圾（干纸巾，湿纸巾，骨），不过因为工作人员效率高，所以都好快变得好干净，赞。
味道：
Welcome drink: （一埋位哥哥仔就走过黎话比我地知，为欢迎我地，一人会有一杯特饮：A) 北海道牛乳雪葩忌廉梳打特饮；B) 柠檬雪葩可乐特饮）
北海道牛乳雪葩忌廉梳打特饮：因为个名high啲，所以就拣左佢。 当Tommy哥哥同我地寒暄时，佢解释个特饮系忌廉沟鲜奶既进化版，由普通既忌廉梳打加左一小块北海道牛乳做既雪葩做成既。小弟见识少（其实可能系年纪尚轻），未听过忌廉沟鲜奶，所以饮落试倒带少少奶味既忌廉，觉得几得意。个奶味其实系越饮越浓，因为个雪葩溶，个北海道牛乳味先出黎，真系几有谂头。因为天气热，所以觉得杯饮品可以再涷d，Tommy哥哥话会钻研下。
（食物到前，小弟同隔离两位食评研究餐厅个名：唔知大家有冇留意， “金田”既英文名并非日语拼音既 “Kaneda”，而系粤语拼音既 “Kam Tin”，mmm… 好有港式味道bor，唔知系咪代表支持本地创作呢。既然佢用得 “long” 黎做英文名，好明显个 “长” 字系点读啦。）
创意前菜三味：三文鱼皮三吃，口感完全不同，各有特色，送酒一流。
泡菜三文鱼皮（图左）：从来未食过，三款中最特别，韩日fusion，觉得系一个几大胆既尝试，不过意外地几好食。未入口以为会食倒鱼鳞，不过好彩冇。鱼皮口感似粉皮， Kimchi湿湿地几醒胃，不过味道可以再辣D。
炸三文鱼皮（图右）：够薄，所以炸得好脆且唔油，好似食紧薯片咁。味道如果浓返少少就更加好。
烧三文鱼皮：最够味既一款，脆脆地。鱼皮下面有个好light既salad，个配撘几好。
四大拳头刺身拼盆：大得精彩
珍宝北海道牡丹虾皇刺身：Tommy哥哥讲解原来除左鲍鱼之外，其他食物都可以用 “头数” 黎计。鲍鱼就以每斤量头数，咁虾呢就用每kg黎计。当晚食倒既虾系最大头既，大到我地要用刀叉黎食。虾身嫩中带爽，不过好似有层薄薄既黏膜包住，建议起虾壳时可以 “劣一劣” 层黏膜。虾唔算超级鲜甜，不过因为只虾本身大，本人又系第一次食，好难同其他种类比较，所以唔可以公平比分。
三文雪花腩刺身：拼盆中最好食既一味。其实size并不细，不过因为拼盆其他食物太震撼，相比之下就觉得唔够口。肉身嫩滑鲜甜肥美，全晚最出色。
珍宝北海道带子寿司：小弟口细，所以选择继续用刀叉黎食个带子寿司，好似食西餐咁。分开几口食，重以为自己食左几客添。带子肉质嫩滑细致，味道熟少甜而唔腥所以觉得新鲜。
北寄贝寿司：本身唔系一个北寄贝fans，所以好少食，不过见倒成只北寄贝包住旧饭，觉得一定要试下。比较干，只可以话依道𩠌 “唔系我杯茶” 。
炉端烧：
（每道𩠌出黎时，一定会比足够时间我地影相，好多时我地重会用成5分钟，所以有好多食物送到入口已经唔热，个人觉得好难对食物公平比分。建议下次试食会可以先用一碟黎比人影相，其他可以亲热食。）
银鳕鱼西京烧：载住银鳕鱼既琵琶碟好别致。虽然银鳕鱼入到口时已经唔热，不过完全唔腥，重好鲜甜。鱼肉嫩滑香甜唔油腻，碟上配上醒胃清新既salad，好满意。Tommy哥哥见我地碟salad清得咁快，重另外比多两碟我地添。
盐烧牛脷：Tommy哥哥称此部分为 “牛脷腩”，乃牛脷较lum近tip之部位，牛脷趸? 牛脷唔算厚，又唔算薄，ok爽口，不过比相机哂到涷哂，盐烧味道可以再浓d。
特式寿司：（配上生磨既wasabi，尤其欣赏，赞！）
8吋海胆寿司：全晚最期待既一道菜式。因为海胆容易散，所以师傅利用蒟蒻去固定海胆喺紫菜上既位置，真系估佢唔倒，创意十足。不过好可惜，个样就好得啦，问题依然存在，都系一夹就散，食佢几有难度。用左蒟蒻，海胆既味道大大削减，食唔倒任何鲜甜或海胆本身既味道，有少少失望。
蓝鳍吞拿鱼腩寿司：咁长既寿司都系第一次食到。虽然系比较薄，不过份量十足。依图指示，长寿司既食法系卷住黎食，真系非一般既食法。Marble既鱼纹所见，吞拿鱼腩肥美，溶喺口既感觉好正。如果鱼既温度可以涷多少少就更加好。
和风炸物拼料理：炸虾天妇罗拼明太子杂菌
炸虾天妇罗：虾系越南黎既虎虾，肉质甜而爽，不过tempura个外层虽然松，但系太过似面包糠加浆粉，又厚又油。个tempura汁冇跟到萝卜蓉，所以冇减到个热气感。
明太子杂菌：明太子为餐厅主题推介。本身对明太子有少少恐惧感，因为觉得佢好咸，不过今次师傅用牛油，忌廉加埋杂菌去中和左个味道，感觉香d同light左，易入口好多，几啱我个人口味。
和风料理：
特大马刀贝味噌煮：所谓马刀贝，其实系我地食开既蛏子；而味噌煮系用左三种唔同既味噌（甜味既西京味噌，赤味噌，用作汤料既信州味噌）沟埋一齐淆既。哗，好大只呀！如果净食白雪雪部分系非常之鲜甜爽口既。不过，Sorry，马刀贝内竟然发现疑似肠脏既物体，当问师傅时佢解释系膏就当然放心食啦，点知押之余重有沙既！全晚最失望既时刻，亦系味道及卫生分被扣分既主要原因，希望厨房加以留意。
甜品：配撘新颖，味道清而不溜，为晚餐划上完美既句号。
云呢拿海胆焦糖炖蛋：第一次食带咸味既焦糖炖蛋。焦糖炖蛋好滑，不过可能海胆味太重，食唔倒云呢拿味。个idea几得意，又系一个good try。依个甜品令我谂起而家好流行既分子料理，好大胆既尝试。
日本绢豆腐慕丝杯：绢豆腐来自日本，个慕丝味道好似未加糖水既豆腐花，不过个口感唔同，好清好健康，面头件芒果比d甜味佢，所以好正，我钟意。
红豆配忌廉：真材实料既红豆甜而不溜，个忌廉好light，好欣赏佢以忌廉个foam黎送个本身嚡嚡地既红豆。
今次一毫子都唔洗出就可以食咁多野，好难觉得唔低食bor 。
张贴
