大手燒 (已結業)

知道马鞍山开咗间新嘅日本食店，主打系大手烧，其实喺电视旅游节目亦都见过介绍过，但就冇喺日本食㖞，今喺香港有机会试就第一时间同家人去试啦，大手烧佢哋有唔同嘅口味，我哋点咗软壳蟹、明虾芝士、同埋樱花虾，三个口味都唔错，呢一类型嘅烧饼有少少似以前细个食嘅蟹片咁样，都系好脆好易入口，会令人食到停唔到口。因为系食饭时间嘅关系，我哋亦都叫咗两个便当，蒲烧鳗鱼同埋红酒蕃茄牛肋条，两款味道都唔错，牛肉好淋，鳗鱼亦都惹味，两个便当都有唔同嘅配菜同饭团，份量十足。另外我哋亦都叫咗几款炸物，有百花酿蟹钳，牛肉可乐饼、日式带子、同埋炸芝士饼，点埋佢哋特制嘅沙律酱，真系超好味，百花酿蟹钳有五星级酒店水准，可乐牛肉饼未试过，但原来个味道好夹，又系食到停唔到口，而且佢哋嘅抹茶豆腐布甸同埋伯爵奶茶都好有特色，而且亦都好啱香港人口味，唔会太甜，今日好满足。