妹記大排檔 (已結業)

响加拿芬广场上完堂，同朋友落楼下妹记食午餐。因为佢嘅午餐响尖沙咀嚟讲，有老火汤同罐装汽水，系几抵食，上次食过味道又唔错。是日老火汤系粉葛去湿汤，呢排回南天，人易觉得攰，啱晒！豉椒排骨炒面好香，颜色又几靓，面底炸得够脆，不过就油啲，排骨正正常常ok咁啦，份量好大，小女子吃不完。同学的蚝仔肉碎汤饭好多芫茜，几香，蚝仔唔算多，同学成碗食晒，应该唔错饮咗汤，饮唔落汽水，可以唔开住，成罐拎走，慢慢先饮。佢好似仲有啲三十几蚊嘅餐，无影相，所以唔记得系咩嚟嘞。