影片
更多
2015-10-27
325 浏览
我一直都是openrice的cd-rom，我今次就点都要为openrice做返d贡献。话说今日小儿一岁生日，早上决定好先带我这位老板去九龙湾玩一个下午，之后就相约好一众好友高高兴兴去食餐晚饭，但九龙湾附近好似无咩选择，苦无头绪之下就当然又上openrice睇下有咩好野食啦，见这间好评都有十几个，加上在观塘，搭程的士去都方便丫，咁就即刻打去book位啦。黄昏过后，日落西山。我们一行人汇合了就大刺刺的前往食饭地点，到达后发觉环境都唔差，系细咗d。咁我一直出街食饭就认为，食既系味道，之后系服务，最尾先环境既，始终我唔会拎佢盆花来食架嘛，但我发现今晚过后，呢个概念都唔系完全正确，这个容后再谈。当所有人点单过后(我们一行人总共点了3个$350既set，加4个散点的菜加$48变一个set，再加一客青口大家share食)，以为一切顺利，大家开始寒暄既寒暄，讲笑既讲笑，眨下眼，上菜时间到啦。来serve我地既系一位年轻人，先拿来的是一锅青口，但阿小兄弟上菜就跨在我小儿头上直接上菜，友人见到都同阿小兄弟讲，唔好在小朋友旁上菜，咁我地都明白年轻人经验浅，都无怪佢，加上哥仔之后都响返个吉位上菜，咁就无问题啦
话说今日小儿一岁生日，早上决定好先带我这位老板去九龙湾玩一个下午，之后就相约好一众好友高高兴兴去食餐晚饭，但九龙湾附近好似无咩选择，苦无头绪之下就当然又上openrice睇下有咩好野食啦，见这间好评都有十几个，加上在观塘，搭程的士去都方便丫，咁就即刻打去book位啦。
黄昏过后，日落西山。我们一行人汇合了就大刺刺的前往食饭地点，到达后发觉环境都唔差，系细咗d。咁我一直出街食饭就认为，食既系味道，之后系服务，最尾先环境既，始终我唔会拎佢盆花来食架嘛，但我发现今晚过后，呢个概念都唔系完全正确，这个容后再谈。
当所有人点单过后(我们一行人总共点了3个$350既set，加4个散点的菜加$48变一个set，再加一客青口大家share食)，以为一切顺利，大家开始寒暄既寒暄，讲笑既讲笑，眨下眼，上菜时间到啦。来serve我地既系一位年轻人，先拿来的是一锅青口，但阿小兄弟上菜就跨在我小儿头上直接上菜，友人见到都同阿小兄弟讲，唔好在小朋友旁上菜，咁我地都明白年轻人经验浅，都无怪佢，加上哥仔之后都响返个吉位上菜，咁就无问题啦。咁我地食住青口先啦，味道几好，不过汁就少d，如果多返d就好啦。以为个青口都叫正常，餐饭应该无问题啦，点知之后另一个问题来啦，其后上既菜系3碟三文鱼沙律，根据哥仔所讲系跟散叫餐既，但我地系点咗4个散叫餐啵，不过咁，漏单既野经常有，跟跟就无问题啦，我地明白既。之后又上3个汤，又系3个?!可能系漏咗无叫一个餐啦，明白既明白既，跟跟就ok啦。咁就开始食啦大家，一试个三文鱼沙律，
个味道真系与众不同，可能系d三文鱼用火烧过，残留一股gas味，可能系这间餐厅既特有味道，不过我们唔识欣赏，下个菜可能好d既。咁我地就试下个汤先啦，用杯装既汤，都ok既，味道正常。这个时候侍应哥仔拎来既系一碟黑松露蛋，其实系半只加半只。咁我地又奇怪，得一碟既唔通又漏单?我地叫3个set 架嘛，都谂住是但啦，谂住佢厨房可能乱，咁我地咪食住先咯，阿哥仔这个时候再拎来两碟青口，喂!咪住先，头先咪来咗咯。哥仔解释系350个set有一样前菜无咗，转咗呢样。喂，大哥，你menu又唔写，落order又唔讲，想点先。年轻人经验唔够，明既，我地都唔难为哥仔啦，帮我地跟跟d𩠌啦。咁我地再同阿哥仔讲响呢一刻争d咩野系应该上咗而又未来架啦？我地认知系1客汤，1客沙律，1客原本系唔知边样前菜无而改咗既青口，2客黑松露蛋。点知哥仔反应系黑松露蛋头先来咗，下!一碟咋啵，哥仔解释一客得半只蛋，友人心里团火都开始烧得热刺刺，首先阿哥仔你放低又唔讲声?边有西餐会将2set野放埋一碟架，你地唔将d沙律放埋一碟?d汤又倒埋一锅丫嘛。明显呢个系厨房问题啦！ok，对事唔对人既，唔关哥仔事，我地都唔为难，咁再跟一跟𠮶1客黑松露蛋ok啦挂，之后哥仔又捧来一碟目测有三文鱼，带子，猪腩肉既沙律。What the......咩野来架大佬，哥仔解释系厨房补偿，加料落漏咗碟沙律到，我地心谂咁客气啊，都唔系咁配搭丫。转个头哥仔又返来话原来呢碟"三不像"沙律系碟因无前菜而转既青口再次因无青口而转咗呢碟沙律，顶你我打字都觉得难读过中东中级呼吸中级中级中东呼吸综合症啦，有无咁曲折啊？!仲要唔事前单声，完全系我摆得上台你班友就食啦，问?!友人已按耐不住要找他们负责人，期间哥仔仲上咗2碟唔记得咩野鸡柳饭，同1碟t骨羊
，1碟肉眼扒
再加3客350set既云吞
，小弟食既系t骨羊，如图所见系有2件既，咁我就觉得1件生过头，1件就过熟，评价就系咁。怪事总系跟住来，这时候一股浓烈天拿水味出现(系闻到既，唔系食物)。有无搞错啊？我来食野架啵，唔系食天拿水啵。友人终于要走出去找负责人，有一位疑似人兄走出来了解事情，但佢就话自己唔系老板，系咁啱上来帮手(成间餐厅无人负责，聊斋都无咁离奇)，友人经过整晚过程都按奈住，始终有小朋友在场，但呢个moment都系要爆啦，事关呢位非负责人但又来了解既人兄不停游花园，最后友人质疑他们有没有牌照经营，因为他们并没有挂在当眼处，这位非负责人就话系临时牌照，我地叫佢拎出来睇下，又话响老板到。真系吹胀。唔好意思，成餐饭影相较少。加上真系来唔齐d野，想影都影唔到。总括而言，挂住西餐旗号，但大牌档质素，当然收你既价钱唔系大牌档啦，我相信都会有人话，几旧水仲想点，比多d钱食贵d丫嘛，笨!系无错既，各人想法唔同，若然各下想试一试的话，可以去亲身体验一下，正所谓明将都有人去挑战，但我唔会再比钱甚至叫身边认识既人来啰，系咁多，完~~
题外话/补充资料：
题外话︰一去到见到有个牌响台上面写MANHATTAN CREDIT CARD有9折优惠，但我地只有MANHATTAN ID CREDIT CARD就问侍应哥仔呢张有无？哥仔就话得个牌上面4张图既CREDIT CARD有。于事我地就上网睇资料，个PLAN应该系适用于所有渣打CREDIT CARD，咁我地再同哥仔讲，佢就话系既！ZXZ&%@(&Z,,,,......所以如果之后有想去挑战既朋友又想有9折优惠，真系要问清楚。
(以上食记乃用户个人意见 , 并不代表OpenRice之观点。)
张贴
