陳根記 (已搬遷) 新店位置

之前话陈根记三月底就执 好彩而家延至12月 但时日都所剩唔多☹️希望会再有好消息啦！今日同一班波友打完波超肚饿黎左觅食🤣每次食完陈根记都会声沙 唔系啲野食太热气 而系因为太热闹 讲野要超大声先听到🤣六个人嗌左七味𩠌：1. 豉椒炒蚬 - 第一道上既𩠌 系好肚饿下既情况食suppose会更好味 但系麻麻地 个汁唔够惹味同杰身得滞2. 西柠鸡 - 劲耐无食！超醒胃 脆口！唔会劲大旧粉包劲少鸡！好味3. 金银蛋浸娃娃菜 - 第一次食娃娃菜版又好夹㖞！食菜既时候有阵阵咸蛋味 汤底好正 捞埋饭食🤤4. 头抽鸡 - 鸡肉超嫰口！豉油甜甜地又劲好味！必推5. 蚝饼 - 炸得太劲 食落有阵㶶味 觉得好热气但同时又好好食 唯有饮几杯清热酷啦🤣6. 孜然一条骨 - 朋友嫌太干身 我就觉得好惹味 辣辣地🤤7. 腐乳通菜 - 腐乳味好浓 菜都爽口！最后仲嗌埋个芒果一口脆 芒果系冻 个皮系热又几得意 不过芒果略嫌太细粒！ 好开心 不过今日wasabi手撕鸡卖晒 下次黎一定要再食 饮埋啤酒 爽呀🍻