權發小廚

营业中

休息中

近日，喺电视经常见到报道呢一间餐厅嘅两𩠌饭，终于决定去会一会佢。暂时试过两次都觉得OK，平日夜晚排队会耐少少，要买咗飞先排队，等大概15分钟，星期六日只需要等5分钟，不过黑醋骨就未必成日有，如果撞正到自己卖晒，就要企喺侧边等一阵。个人认为买净𩠌$45点都抵过两𩠌饭，因为两𩠌饭嘅份量系少啲嘅，返屋企煲啲白饭就可以食得。黑醋骨真系唔系浪得虚明，个甜酸度啱啱好，旧骨烟烟韧韧，送饭一流。之前仲试过咕噜肉，摆咗好耐都仲好脆，不过系比较细粒啲嘅骨嚟嘅，唔系大嚿𠮶只，但系都几好。至于鹅肠，唔知系咪摆耐左，我觉得好似落多咗芡汁，太过稠。西兰花炒虾球都整得好好食，啲虾好爽口弹牙，大大只，西兰花新鲜，系翠绿色嘅。至于炒蚬性价比都几高， $45一大盒，真系仲想点呀，如果呢三盒野喺大排档食起码要五六百蚊埋单。全家人都食得好满足，可能会变成嚟紧嘅饭堂，大暑好热，完全唔想煮饭，真心推介。