兩合海鮮火鍋飯店

营业中

休息中

朕约左一众巴打黎呢度打冷海鲜，贪呢度可以无拘无束，可以啤酒粗口，一坐低就叫左个椒盐鲜鱿，粟米同埋赖尿虾，用黎佐酒。个鲜鱿鲜唔鲜朕就唔知，不过朕就知道佢一定够味，又够爽口，要黎佐酒一流。椒盐粟米，听落怪怪的，但系食落粟米粒又几鲜甜，又有少少脆。椒盐赖尿虾，肉就唔多，不过炸得够透又够味，啜吓都过瘾。豉油王中虾，汁料够浓，虾先经油泡，再落锅爆炒，火气十足，虾肉够爽甜，味道一流。打冷又点少得墨鱼红肠，墨鱼够爽口，都系啤酒既凉伴。烧乳鸽，外表香脆，入面肉嫩，再加少少盐，非常惹味！最后就系蒜茸蒸元贝，元贝够大只，鲜甜弹牙，蒸得时间刚好，唔会缩水同埋靭口，必食！－－－－－完－－－－－