愛文生

营业中

休息中

除左西餐，其实大排档亦是我喜爱食物既头几位，不过真系要揾返Ｄ有共同嗜好既人先得，因为有好多女生都怕大排档污脏，食物又较油腻，不是人人都钟意的。不过而家既大排档都已经买少见少，好食既就更加唔驶讲，爱文生系其中一间我觉得好食既。除左佢保留左传统既镬气同大大碟之外，好多怀旧菜都可以系度揾到，而且味道亦能保持一贯水准呢～炸大肠：真正既外脆内软，系近来食过既少有佳作之一，比起泉章居既质素还要高些少（泉章居的较干较硬，不够软嫩）！炸鲮鱼球：鲮鱼球够弹牙又入味，炸到金黄色很香口，再加埋蚬介同食，好有旧式风味！蒜蓉炒芥兰：总觉得大排档炒既菜特别好食，虽然好多人都觉得佢太油腻，但我却偏爱这种“重口味”。铁板黑椒咸猪手：第一次去已经超想食，因为见到差不多每台都有一只猪手，奈何只得两个人，真怕会浪费食物！所以，死心不惜的我们终于揾多一个食伴，会一会这只闻名已久的“咸猪手”。果然，闻名不如见面，铁板一上台，洋葱与黑椒汁在铁板上乱舞，香气扑鼻。猪手肉嫩且腍，彷佛不需用力已经可以切开，猪皮入口即溶，但无肥腻感觉。不消半句钟，三位女士已经把这只咸猪手澈底“消灭”！猪肝“o者o者”鸡煲：热腾腾香喷喷既煲仔刚上台，看著