阿閒泰 (K11購物藝術館)

营业中

休息中

救命呀，平日晚上6:30已经要开始排队，建议大家要早啲嚟串烧并盘分别有羊肉，猪肉同鸡肉，串烧份量比较少，作为小食黎讲一流。三款串烧都烧得有D 干身，而且配嘅酱汁唔系我平时食开嘅沙爹酱，呢个酱汁咸得黎又酸酸地咁，食落都几开胃。鸡肉同猪肉都正常发挥，羊肉比较特别，因为食落唔膻得黎但依旧都会食得出羊肉嘅味道。整体肉质外脆肉软，点上秘制酸甜酱口味更突出自家手打脆炸虾饼有3件，依旧份量都系唔算多，新鲜炸起嘅虾饼热辣辣，外皮炸得香脆而内部嘅虾胶爽口弹牙。手切肉眼爽弹牛丸船粉，系用上泰国空运直送嘅卷粉，口感烟韧有少少似河粉，而船汤汤底味道浓郁，同船粉系天衣无缝嘅配合，牛丸同牛肉都系用高质嘅材料，食落零舍唔同。 芒果椰汁糯米上层系乳酪雪糕，下面就系椰汁糯米，呢个甜品唔单只外型一流，而且味道都系满分。