聰。C Dessert

营业中

休息中

湾仔排长龙甜品店，佢前身就系食开甜品嘅都识嘅聪嫂，今次就嚟试试。今次几个人，咁啱有位，所以排咗15分钟就入到去。食完之后出返嚟条龙长咗劲多。系见到就唔想排𠮶只，建议大家早啲嚟。豆浆白果腐竹薏米甜度适中，薏米有咬口。好有怀旧嘅味道。芒芒丽莎超级足料！入边有芒果肉、小丸子、椰果同水晶珠。芒果唔会酸。整体甜度适中。钟意食满满配料嘅呢个非常推介。士多啤梨豆腐花面头系士多啤梨沙冰，入面就系豆腐花。个人觉得呢个配搭几特别。入面嘅豆腐花好好食。龙眼椰果冰呢个应该就系之前聪嫂嘅招牌甜品，虽然唔系夏天，但系食落都系非常清甜凉快。龙眼肉鲜甜多汁，味道天然。冰底有淡淡嘅椰香味。