龍鳳祥餃子館 (裝修中)

同朋友嚟到呢间饺子店，本身只系俾佢门口嘅冬阴公汤吸引到。但入到去先发现大有惊喜！！！💆🏻‍♀️💆🏻‍♀️首先讲咗个冬阴公饺子先！饺子非常入味，同个汤非常夹！冬阴公汤辣而不太咸，食完又唔会太口渴。绝对系会回头之选！🤣🫶🏻之后就系蕃茄蛋饺，鲜甜得很！又系入味之选！好少见到有蕃茄蛋饺，本身仲惊唔夹，点知又出奇地夹㖞！新奇得意！🤣之后系洋葱牛肉饺，自己不嬲最钟意呢个馅嘅饺子，每次食饺子见到都会叫。呢间嘅洋葱牛肉唔会俾洋葱味盖过哂个牛肉味，非常推荐。❤️❤️最后讲埋啲小食，猪耳好爽口不特止又唔太干，酒雕鸡翼同辣鸡翼唔系平时见嘅缩水鸡翼！只只都大大只！三个朋友一齐食呢个份量，饱到不得了！大满足！又唔贵！大推！🫶🏻