星記海鮮飯店 (一號廣場)

营业中

休息中

要数到连续拎咗好多年米芝莲嘅中菜，星记应该系当中比较经济实惠又有水准嘅选择，好啱同屋企人黎食。煎咸鸡用咗大量葱蒜起镬香到爆，话明煎咸鸡当然系有咸香味，我好钟意佢够入味得黎咸淡啱啱好，空口食都唔会太咸。 生煎嘅鸡肉完全唔会干，水润嫩滑，重点系非常干爽，夹起完全冇油，好健康。好钟意椒盐鲜鱿用咗大大只嘅鱿鱼，食得出系今日即㓥嘅新鲜货，爽口扎实，炸到脆一脆点喼汁食一流。自从自己煮饭之后就少食蒸肉饼，出街见到都会叫，发现用嘅肉靓唔靓真系食得出好大分别。 呢度肉饼好有弹性，半肥瘦得嚟剁得好仔细，唔会食到明显嘅肥猪肉，如果住附近嘅话真系有冲动成日买返屋企加𩠌。 但份量真系比想像中多好多，我相信够四个人用嚟𩠌哂碗饭。老火汤同八宝茶都好唔错，服务殷勤，会同屋企人再黎。