叠記咖喱麵食

营业中

休息中

最近有间澳门77年老字号登陆香港，依家已经做到第三代，主打咖喱牛腩同橡筋面。我哋分别要咗两碗面、小食同饮品开心分享。面条选择好多，要咗招牌嘅橡筋粗同捞出前一丁。前者真系好似食紧条橡筋咁，咬落烟韧爽口，好搞笑、个人更喜欢后者，软熟度适中，若酱汁再多少少会更惹味。配料每个+$12，要咗豉汁牛腩、南乳猪手、炸猪扒、猪软骨、牛肉、瑞士汁鸡翼同猪颈肉。我最钟意牛腩、猪扒同猪颈肉，完全唔嚡，肥瘦适中，而且都几入味，值得一试。小食方面有澳门猪扒包同咖喱鱼蛋，猪扒包真系必点，即叫即制新鲜热辣辣，建议一上枱就食啦否则会影响口感，猪扒炸至酥脆可口，包皮脆，内里软，涂满牛油，好肥好好味。