影片
更多
2022-11-02
1309 浏览
心思思想食韩国嘢，今次就嚟到荃湾嘅ITW，半开放式餐厅衬上木色调嘅装修，配搭柔和嘅灯光，瞌埋眼真系好似去咗转韩国咁。韩国直送腌海鲜套餐（辣）呢个套餐一共有五样野，包括：腌鱿鱼、香辣腌鱼肠、豆腐、腩肉、生蒜辣椒。当中两大主角味道都好出色，其实口味相差不多，同样微辣中带点甜，口感偏爽有嚼头。今次试咗用来配搭其余三样配菜，浓淡相间，味道估唔到会咁突出，份多种层次秘制酱油蟹配原味紫菜包饭小编期待已久嘅菜式，摆盘已经觉得好有韩式风味，估唔到食落更加出色！从未食过嘅友人系食之前好担心会有腥味，但将蟹肉唧出，加埋生鸡蛋后，落入紫菜饭中搅拌，再加少少酱汁，一食落口完全只感受到阵阵鲜甜。好新鲜好地道嘅口味，同坊间有少许唔同，感觉好特别，问一问店员先知原来佢嘅秘制酱汁系用新鲜水果调配，所以带种果香，更提鲜。无骨香蒜蜜糖炸鸡虽然半份但系份量一啲都唔少，适当嘅香蒜蜜糖粿系炸鸡上，味道甜甜地够香口，无骨啖啖肉一口又一口好满足。最欣赏系当食到一半发现鸡肉变凉唔够热，店员都好乐意帮忙翻热，而翻热后比刚上台更脆身，更滋味。海鲜豆腐辣汤同传统嘅泡菜香辣海鲜汤有啲唔同，佢嘅调味较为复杂，食落味蕾更有刺激，辣度都比较高。用
心思思想食韩国嘢，今次就嚟到荃湾嘅ITW，半开放式餐厅衬上木色调嘅装修，配搭柔和嘅灯光，瞌埋眼真系好似去咗转韩国咁。
韩国直送腌海鲜套餐（辣）
呢个套餐一共有五样野，包括：腌鱿鱼、香辣腌鱼肠、豆腐、腩肉、生蒜辣椒。当中两大主角味道都好出色，其实口味相差不多，同样微辣中带点甜，口感偏爽有嚼头。今次试咗用来配搭其余三样配菜，浓淡相间，味道估唔到会咁突出，份多种层次
秘制酱油蟹配原味紫菜包饭
小编期待已久嘅菜式，摆盘已经觉得好有韩式风味，估唔到食落更加出色！从未食过嘅友人系食之前好担心会有腥味，但将蟹肉唧出，加埋生鸡蛋后，落入紫菜饭中搅拌，再加少少酱汁，一食落口完全只感受到阵阵鲜甜。好新鲜好地道嘅口味，同坊间有少许唔同，感觉好特别，问一问店员先知原来佢嘅秘制酱汁系用新鲜水果调配，所以带种果香，更提鲜。
无骨香蒜蜜糖炸鸡
虽然半份但系份量一啲都唔少，适当嘅香蒜蜜糖粿系炸鸡上，味道甜甜地够香口，无骨啖啖肉一口又一口好满足。最欣赏系当食到一半发现鸡肉变凉唔够热，店员都好乐意帮忙翻热，而翻热后比刚上台更脆身，更滋味。
海鲜豆腐辣汤
同传统嘅泡菜香辣海鲜汤有啲唔同，佢嘅调味较为复杂，食落味蕾更有刺激，辣度都比较高。用锅上十分保温，里面有满满嘅海鲜，包括原只虾同鱿鱼，另外仲有吸收晒汤汁嘅豆腐，捞埋白饭食真系一流。
韩国传统煎糖饼
一上枱已经闻到好香嘅肉桂粉味，面头加咗啲朱古力酱，咬落去外脆内软，中间仲有啲甜丝丝嘅糖浆，配搭少许果仁，都几香口，虽然细细件但系都好有饱足感，用佢黎作结都唔错。
饮品
天气转凉当然整返杯热饮，今次拣咗热红枣蜜，饮落有淡淡红枣味带微甜，暖暖胃确实不错；友人就叫咗杯草莓乳酪沙冰，望落超级大杯，里面有粒粒士多啤梨果肉，同绵绵嘅沙冰，酸甜嘅乳酪味道完全中和到呢一餐嘅饱肚感，再添一份满足。
张贴
