泰亞萊海南雞專門店 (已結業)

：听朋友推荐话呢间泰菜好抵食，今日终于有机会嚟食个午餐。我想食少啲碳水所以拣咗香叶肉碎生菜包，同行嘅朋友拣咗黄咖喱蟹肉饭。加$6或者$8可以叫嘢饮，选择多多有泰式柠檬茶，泰式奶茶，龙眼冰，等等。我哋就叫咗例汤同埋泰式柠檬茶。另外三再加$15加咗青木瓜沙律同榴梿糯米糍。生菜包可以拣小、普通或者大辣，三种辣道，我哋拣咗普通。上枱后我即刻比佢吓亲，因为肉碎嘅份量大概系平时食嘅三倍。肉碎保留少少湿润唔会太干，调味亦都适中，唔会话太咸或者太辣，生菜包住味道啱啱好。泰式黄咖喱蟹肉饭先至系最推荐嘅菜式，咖喱上面放满蟹肉，就咁食蟹肉食咗少少嘅鲜甜味，同黄咖喱混合后味道都算夹。黄咖喱系正宗泰式咖喱，但系就唔会好大椰汁味，平衡到香料、辣味同香味。本来我净系想试一啖，后尾竟然将朋友食剩嘅饭全部食晒，真系太好味啦。小食嘅榴梿糯米糍睇佢细细粒，但系入边充满着榴梿馅味道都不错。青木瓜沙律就不过不失啦。整体来讲好抵食，亦都适合大食嘅朋友们，个份量一定食得饱。