爆汗串串 (已結業)

我同朋友特登book左呢间爆汗串串，为嘅就系呢度成都风味既串烧放题。餐厅内座位唔多，亦都唔少人排队，好彩预早book定位，一到达立刻就有位坐啦～呢度嘅串烧款式都几丰富，任食两小时。除咗串烧之外，仲有粉面、小食等可供选择。热辣辣既串烧上枱啦👏🏻一口一串，可以一尝唔同款式。汤底辣得黎香口惹味，食物吸收晒辣汤，味道更加升华，唔洗蘸其他酱汁已经好重口味。我最爱就系土豆，食落好爽口，而且士豆同辣完系绝配。而鱿鱼都好弹牙，口感几好。如果唔怕辣，就可以嗌萝卜同埋娃娃菜，超级入味。大力推荐呢度既火锅宽粉，因为串烧已经够晒火辣，我就选择咗猪骨汤底。宽粉口感Q弹，又有芫莤香，非常好食。蕃茄牛肉面嘅汤底都系猪骨汤，但多左番茄同牛肉嘅香气。配辣厥根粉口感稍硬，酸辣兼备，辣得黎又几开胃，但食完真系爆晒汗。加钱可以食埋口水鸡，不过鸡肉唔算滑嫩，但酱汁香辣惹味。最后食返个冰粉做甜品。