平記麵家

营业中

休息中

大埔墟街市，算系近月比较常去的lunch canteen。之前食左两间猪扒面都觉得ok，今次一于去各大传媒已经介绍到烂嘅平记啦。自己叫左一碗虾子云吞捞面。本来谂住捞面冇汤面咁易浸淋，不过上枱一夹，已经大失所望。首先面条犹如"一住菜"咁黏身，好似浆糊咁杰挞挞，似系煮到过晒时，更枉论筋性、弹性。细粒云吞尚算正宗，不过虾肉似乎就一般，不太爽弹。虾子份量多，唔太觉猪油香，汤头可以。另外亦叫左一碗鱼蛋粉。价钱非常合理，河粉唔错，几款鱼蛋都ok。不过整体而言只算中下水平，大埔墟街市仲有更多好选择。