影片
更多
2021-07-27
2164 浏览
大荣华围村菜唔讲都唔知原来大荣华有三间分店。今日我去𠮶间喺九龙湾。今日系星期六下昼12点左右，都有少少人等位，等咗10分钟左右就可以入坐。入面啲装修都几老式。旧式茶楼嘅格局，同元朗大荣华𠮶间差唔多。睇返个菜单，以茶楼来讲，真系几平。炒粉面都系$6/70；点心就$23起。我, Mcdull同Mc老太一行三人叫咗五个点心，一碟饭，一条白水浸元朗乌头。炸云吞 中点$28 (8.5/10)好松脆，炸得一啲都唔油，个馅d肉都几好食，个汁酸酸maymay，唔多食炸嘢嘅Mcdull都系咁食。四宝滑鸡扎 大点$32 (6/10)普通茶楼水准，猪肚鱼肚芋头鸡肉支竹皮，全部正正常常，个芋头几绵但系个鱼肚就唔够淋，奇怪。鲜淮山百合饺 小点$23 (5/10)鲜淮山百合呢个配搭其实都几新鲜我都未试过。不过真系好淡好淡好淡，不过咁健康嘅嘢其实系应该系咁嘅。细味之下，鲜鲜甜甜，有食材嘅味道。外皮就普普通通，都唔系咁烟韧。猪膶蒸烧卖 大点$32 (5/10)依个点心我去到啲旧式嘅茶楼我都会叫。真心，未试过有一间系好食。依度食嘅猪膶烧卖，已经算系正常入得口，比起凤城酒家，陆羽茶室都好好多了。始终蒸猪膶都几难，啲烧卖馅
唔讲都唔知原来大荣华有三间分店。
今日我去𠮶间喺九龙湾。
今日系星期六下昼12点左右，都有少少人等位，等咗10分钟左右就可以入坐。
入面啲装修都几老式。
旧式茶楼嘅格局，同元朗大荣华𠮶间差唔多。
睇返个菜单，以茶楼来讲，真系几平。炒粉面都系$6/70；点心就$23起。
我, Mcdull同Mc老太一行三人叫咗五个点心，一碟饭，一条白水浸元朗乌头。
炸云吞 中点$28 (8.5/10)
好松脆，炸得一啲都唔油，个馅d肉都几好食，个汁酸酸maymay，唔多食炸嘢嘅Mcdull都系咁食。
四宝滑鸡扎 大点$32 (6/10)
普通茶楼水准，猪肚鱼肚芋头鸡肉支竹皮，全部正正常常，个芋头几绵但系个鱼肚就唔够淋，奇怪。
鲜淮山百合饺 小点$23 (5/10)
鲜淮山百合呢个配搭其实都几新鲜我都未试过。不过真系好淡好淡好淡，不过咁健康嘅嘢其实系应该系咁嘅。细味之下，鲜鲜甜甜，有食材嘅味道。外皮就普普通通，都唔系咁烟韧。
猪膶蒸烧卖 大点$32 (5/10)
依个点心我去到啲旧式嘅茶楼我都会叫。
真心，未试过有一间系好食。
依度食嘅猪膶烧卖，已经算系正常入得口，比起凤城酒家，陆羽茶室都好好多了。
始终蒸猪膶都几难，啲烧卖馅同啲猪膶熟嘅时间都唔同，要煮到唔过火，好难下下揾师傅睇住。
可能猪膶都系啱用嚟煲粥食。如果讲煲粥食嘅猪膶，将军澳间誉嘅猪膶粥居真系无得输🤤
白莲蓉包 终点$28 (5/10)
Mcdull 好中意食，我就真心无乜兴趣，甜。
我同Mudull讲，你中意食就衬中秋节之前食多啲喇，唔系就冇货。😂
白水浸元朗乌头$95 (6/10)
白水系乜？Mcdull上网查过好似系白酒，我试咗啲汁，净系觉得好咸。衬落条鱼度又唔系好觉咸。但系条鱼普普通通，肉质都正正常常。
菜远斑腩饭 $78(好似) (3/10)
真心麻麻哋，雪藏嘅鱼块，无乜味。
成个饭沟埋啲菜/配料，打个玻璃芡上面就算，Hea。味又比较淡，不推介。
隔离枱嘅叔叔同韬韬吹咗好耐，教隔离枱嘅叔叔叔叫hidden menu - 「鲈鱼两味」圣瓜炒鲈鱼饭 + 凉瓜炆鲈鱼头腩煲 $180
我无试过味，但净系用个鼻闻，用眼睇，都知喺好野。其实，新鲜嘅野，就好食左一半。韬韬仲同我讲「下次唔好咁叫𩠌喇，你睇下隔离枱嘅菜，都系$180，平过你又新鲜过你叫𠮶啲」
佢真心🌝🌚
三个人埋单食咗咁多嘢， $400都唔使，仲要可以见到韬韬本人，又食饭又追星，真系抵到烂。🖖
我哋食到两点几见到张下午茶餐牌，个价钱简直系惊为天人，喺九龙湾呢啲地方，竟然有$15一笼嘅点心，真系担心佢做唔做得住😮💨
加油啊韬韬！
Mcmug综合评分：6/10，野食正正常常，唔会太咸或者太多味精；韬韬好nice，又好吹，心情愉快加多一分，7/10
Mcdull综合评分：8.5/10 Mc老太见到韬韬好开心，加分！
张贴
