大欖燒烤

营业中

休息中

秋天最啱烧嘢食🤤今次就去咗大榄烧烤场，个场有3个选择: (1) 港式烧烤、(2) 大榄串烧、(3) 大榄流水虾🦐。港式烧烤最平，但有任食冇任饮；大榄串烧同大榄流水虾都系150分钟任食任饮。大榄流水虾包左串烧有既野食，但就多左流水虾，而且一定有冷气 (呢个point我既同行朋友mention左好多次)。大榄串烧星期二至五$208位，星期六至日及公众假期$238位；而大榄流水虾星期二至五$328位，星期六至日及公众假期$348位。我地几个都想食流水虾🦐，所以拣左最贵𠮶个plan，送一只海鲜船，蚝同鲍鱼每人一只，蚬就大概每人4只，我宁愿好似佢咁限数量俾高质啲既海鲜，都唔好俾急冻或唔新鲜既我。每枱都有个虾糟，烧到冇虾，随时可以叫店员加，佢地都会即刻帮手。大头虾只只又大只又生猛，唔似去过另外既餐厅，得一半生猛，又有啲虾特别细只。虾头超级多膏仲要系流心，虾肉弹牙鲜甜🤤。除左大头虾，熊本一口牛、纽西兰羊架、蝴蝶鸡全翼、叉烧粒系必食推介。