大滿喜日本料理 (已結業)

去左观塘食放题，想讲而家放题嘅质素真系好好多，食物种类多，又几好食，今晚我同三五知己都咁觉得，去嘅系观塘呢间大满喜。先嚟点左刺身，佢嘅刺身都好新鲜，款式都多，仲多款式过buffet，新鲜程度又差不多，所以而家觉得食放题嘅性价比仲高，例如有荣螺， 北海道带子， 赤虾， 三文鱼，油甘鱼，甜虾等等，全部都新鲜。另外海胆手卷都超正，因为海胆真系好新鲜，佢系好鲜甜，而手卷一向我建议都系即到即食，咁样紫菜先会够脆。其他仲有小食例如海蜇，带子裙边等都吾错， 炸虾天妇罗应该即点即整，上碟热辣辣，又香又脆，都几好食。鸡翼都正，起码只鸡翼有肉又肥， 皮脆肉嫩。最后食埋条雪条，完美嘅一餐。