海皇粥店 (東港城) (已結業)

平日朝早一早睇完医生，想清清地食返碗粥，咁岩东港城附近粥店唔多，就行左入海皇粥店。 大满粥早餐其实平时返工已经食开，黎到坑口惊觉呢间分店只售$24至$33，比港岛区平少少，原来售价会跟据区域调整。 除左粥之外，仲可以拣面、炒米、蒸萝卜糕、斋肠或虾米肠。我拣左皮蛋瘦肉粥配虾米肠 ($33)，堂食比外卖感觉上多左。皮蛋瘦肉粥热辣辣又足料，但唔知点解我呢碗冇落到油炸鬼，搞到全程都心思思想问阿姐补返，最后见佢咁忙都冇出声，有少少遗憾。虾米肠滑嘟嘟又香，可以随意落台面既酱料，食完真系大满足。