Mo Mo Kushiage (已結業)

疫情过左咁耐...真系好挂住日本，所以就揾左依间细细地，但几有日本感觉既餐厅揾食，服务态度一流，真系好似系日本咁😍😍先系前菜，简简单单既蔬菜配上美味酱汁，真系有啲停唔到口，好想问店员添加多一份😂😂，酱汁有两款，一款系芝麻酱，一款就好似北京填鸭既甜面酱，配上新鲜蔬菜真系好开胃。食得日本野，一定要叫刺身食啦，三文鱼腩、天使虾、松叶蟹脚，今次真系要特别介绍返「天使虾」真系太好食，肉质够晒爽口弹牙，而且味道鲜甜，够晒大只，一放入口，真系赞不绝口，好想食多几只呀☺️今次仲食左个秋刀鱼刺身，相信食过秋刀鱼既你地都知，其实秋刀鱼都几腥，所以做刺身既话，真系唔容易呀，不过今次食秋刀鱼刺身就唔系好腥(本身我都食到鱼腥，唔钟意鱼腥既你就最好考虑清楚😉)，配埋餐厅自制既酱汁，更加带出秋刀鱼既鲜甜啦，比手指👍🏼餐厅各式各样既串烧都好吸引，我就食左烧洋葱串、烧午餐肉、仲有芝士烧牛肉，所有烧物配上自家制红酒酸汁，香脆而不腻，正😋舒舒服服又开开心心咁享受完一餐日本料理，回味回味，推介👍🏼