影片
更多
2023-04-08
2634 浏览
星期一同朋友去食semi buffet lunch。坐低有两杯暖水，一个暖面包篮连埋牛油同香草酱。职员眼明手快，收碟同加水唔驶出声就做咗。餐厅地方细细，但全部梳化位都好好坐。 餐汤有3款，同朋友每样一款试下，仲有一款中汤可以选择。鸡肉忌廉汤重奶味，偏咸。蕃茄汤偏酸，好开胃。 好多沙律同配菜选择，每样食一啖都饱。有三文鱼同吞拿鱼刺身，新鲜肥美，但寿司就麻麻地。生蚝refill得好快。虽然唔系好大只但系都好新鲜。啲虾好弹牙好鲜甜，忍唔住食咗好多只。 主菜好大碟 ，食唔晒。三文鱼煎得香脆唔鞋口，薯蓉超幼滑，大推。相比猪扒比较干身，配菜唔够味，比较失色。 甜品诚意十足，同样大大件，摆盘又靓。车厘子挞入面足料，加埋朱古力忌廉十分夹，唔会太甜。椰子芒果芝士蛋糕，唔多食到椰子味，但芒果味唔会太假系加分位，同样唔会太甜。虽然好饱但都忍唔住要食晒佢。 要咗热咖啡，呢个好失望，好苦，有㶶味。虽然唔识品评咖啡，但饮咗一啖饮唔落去。 总结：食物质素同服务绝对对得住呢个价钱，但咁贵嘅午餐耐唔耐食一次好喇。
坐低有两杯暖水，一个暖面包篮连埋牛油同香草酱。
职员眼明手快，收碟同加水唔驶出声就做咗。
餐厅地方细细，但全部梳化位都好好坐。
餐汤有3款，同朋友每样一款试下，仲有一款中汤可以选择。
鸡肉忌廉汤重奶味，偏咸。
蕃茄汤偏酸，好开胃。
好多沙律同配菜选择，每样食一啖都饱。
有三文鱼同吞拿鱼刺身，新鲜肥美，但寿司就麻麻地。
生蚝refill得好快。虽然唔系好大只但系都好新鲜。
啲虾好弹牙好鲜甜，忍唔住食咗好多只。
主菜好大碟 ，食唔晒。
三文鱼煎得香脆唔鞋口，薯蓉超幼滑，大推。
相比猪扒比较干身，配菜唔够味，比较失色。
甜品诚意十足，同样大大件，摆盘又靓。
车厘子挞入面足料，加埋朱古力忌廉十分夹，唔会太甜。
椰子芒果芝士蛋糕，唔多食到椰子味，但芒果味唔会太假系加分位，同样唔会太甜。虽然好饱但都忍唔住要食晒佢。
要咗热咖啡，呢个好失望，好苦，有㶶味。虽然唔识品评咖啡，但饮咗一啖饮唔落去。
总结：食物质素同服务绝对对得住呢个价钱，但咁贵嘅午餐耐唔耐食一次好喇。
张贴
