Tonkotsu 8 by 三田製麵所 (香港國際機場機場一號客運大樓)

营业中

休息中

好耐无嚟过机场喇，上次嚟都系送朋友机，临走前帮衬过呢间Tonkotsu 8觉得都几好食，所以今次带埋朋友一齐食个晚饭先走。-🍗叉烧炸鸡拉面$88呢碗啱哂好似Badboy一样钟意食炸鸡又觉得食拉面要食叉烧嘅朋友🤭叉烧劲大块，比我食过任何一间嘅叉烧都大，而且有成3块😳好抵食！炸鸡睇落好似唔算大旧，但其实都好多肉，炸得好脆，肉汁都保留到。拉面系幼身𠮶种，微弹口感，非常挂汤，唔用匙羹连汤食都够味。-🐷豚骨拉面 黑麻油$74虽然呢碗无叉烧炸鸡拉面咁多𩠌，但黑麻油绝对系为碗拉面增添咗一股神秘嘅吸引力。日本制黑麻油同大蒜制造出一碗色香味俱全嘅拉面。Badboy几钟意佢个汤底唔会太浓太重口味，味道岩岩好👍🏻-另外Badboy几钟意餐厅用咗日系木色调装修风格，简单干净、舒适企理。加上呢间店喺机场，可以幻想吓去咗日本食拉面😆。