影片
更多
2021-06-11
431 浏览
我平时都真系好钟意食海鲜，每次见到有咩海鲜蒸锅都会忍唔住去食。今次见到呢间餐厅价钱都几合理，就同朋友一齐嚟食下啦。呢到嘅海鲜套餐都有唔少选择，又有龙虾同冇龙虾嘅，又有粥底火锅或者八宝蒸饭嘅。我哋今次就拣咗个升级大鲍海鲜蒸汽锅餐。$268但嚟到登记做会员就有七九折。首先一开始每人会有一盅汤，入面有虫草花、鸡脚、猪肉等。饮落冇味精，味道浓郁，好饮。感觉好似几养生咁。之后就开始蒸海鲜食，店员会根据唔同时间咁帮我地分开蒸啲海鲜嘅。今次嘅海鲜包括韩国大鲍鱼一只、苏格兰圣子皇一只、北海道元贝皇一只、深海龙趸件一件、大海虾两只、青岛大花蛤两只同埋其他贝壳类一堆。啲海鲜样样都几大只，食落几新鲜，唔落味精咁蒸完之后，食落鲜甜，食到食材本身嘅味道，几好。我觉得，原汁原味咁正海鲜，先系我最钟意嘅海鲜食法。除咗海鲜之外，呢度有好多款食物任食嘅，包括一啲蔬菜类例如娃娃菜、南瓜、金菇等。最特别嘅系，呢度有任食嘅安格斯肥牛。蒸肥牛我都真系第一次食，但估唔到，原来蒸肥牛比起打边炉食肥牛更好食。牛嘅味道更加可以锁实，食落牛味真系超浓。而且比打边炉亦都更健康，因为唔使惊索左汤底啲油。丰盛八宝蒸饭有得自己拣八款材料，我就拣
呢到嘅海鲜套餐都有唔少选择，又有龙虾同冇龙虾嘅，又有粥底火锅或者八宝蒸饭嘅。我哋今次就拣咗个升级大鲍海鲜蒸汽锅餐。$268但嚟到登记做会员就有七九折。
首先一开始每人会有一盅汤，入面有虫草花、鸡脚、猪肉等。饮落冇味精，味道浓郁，好饮。感觉好似几养生咁。
之后就开始蒸海鲜食，店员会根据唔同时间咁帮我地分开蒸啲海鲜嘅。
今次嘅海鲜包括韩国大鲍鱼一只、苏格兰圣子皇一只、北海道元贝皇一只、深海龙趸件一件、大海虾两只、青岛大花蛤两只同埋其他贝壳类一堆。
啲海鲜样样都几大只，食落几新鲜，唔落味精咁蒸完之后，食落鲜甜，食到食材本身嘅味道，几好。我觉得，原汁原味咁正海鲜，先系我最钟意嘅海鲜食法。
除咗海鲜之外，呢度有好多款食物任食嘅，包括一啲蔬菜类例如娃娃菜、南瓜、金菇等。最特别嘅系，呢度有任食嘅安格斯肥牛。蒸肥牛我都真系第一次食，但估唔到，原来蒸肥牛比起打边炉食肥牛更好食。牛嘅味道更加可以锁实，食落牛味真系超浓。而且比打边炉亦都更健康，因为唔使惊索左汤底啲油。
丰盛八宝蒸饭
有得自己拣八款材料，我就拣晒我最钟意嘅材料啦。我觉得必拣嘅包括牛腩粒、银鱼仔、冬菇同埋虾酱猪腩肉。有呢几样配料，个饭真系会好香好香，好好食。每人大约都分到两三碗。
仲有任食嘅点心，我最钟意就系小心流沙包同埋宫廷枣皇糕。虽然流沙包有两款，但味道有啲唔同。小心流沙包嘅咸蛋黄味比较重，我觉得香啲。
真系大满足，下次同多啲朋友一齐黎食先。
张贴
