焱手工涮涮鍋 (已結業)

突然好想打边炉，去到旺角上楼嘅《焱手工涮涮锅》，上到去环境好大，占用全层，而且落地玻璃可以望到出面闹市嘅风景，我哋两人就被安排坐卡位。餐牌有两款火锅套餐选择，分别系「手工粥底海鲜火锅套餐」同埋「焱选套餐」。因为我哋比较喜欢吃「鸳鸯锅」，所以我哋就拣咗＄268一位嘅「焱选套餐」。先食咗个两个前菜，再上「三味锅」汤底，呢个就系火锅店嘅招牌汤底，一个锅入面就有三款汤底，当中最正嘅系中间嘅「火焰清酒煮蚬」，店员利用Gas棒点火，中间嘅汤底随即着火，非常新奇特别。此外，每一款汤底饮一啖试吓，都非常鲜甜，果然新鲜即做。之后就系「时令海鲜拼盘」，非常新鲜，在餐牌嘅十一款海鲜有其中五款，当中嘅「龙趸片」有两大块，而且厚厚的，落去爽口鲜甜，非常新鲜，外层嘅皮充满着骨胶原，食落去有点口黏黏嘅感觉。另外「蛏子」都好大条大只，只需要放入锅灼一两分钟就即刻食得，同样地食落去爽口，完全冇沙，鲜甜无比，必食。精选肉类我哋选择咗「顶级安格斯牛颈脊」，肉嘅条纹非常平均，望落去每一块都有雪花，食落去有非常浓郁嘅鲜牛肉味道，正。「手工火锅拼盘」都有几款食物，少食多滋味每款有两件，每一款食物都非常精致，最欣赏系「三层楼墨鱼砖