舍利鮨 (已結業)

今年生日，男朋友特登book咗一间喺元朗好出名食厨师发板嘅日式餐厅同我食生日饭😍。我都唔知几耐冇食过。所以一听到有得食特别兴奋😆。因为庆祝生日嘅关系，所以我哋特登叫左枝酒🍾️。一路喺度饮酒嘅时候一路见到厨师不停好努力咁为我哋煮紧嘢食。我啲幸福感即刻爆晒棚🤣我哋先食咗前菜，莼菜三文鱼籽杯。我都系第一次食。个三文鱼籽嘅味道比较淡同埋清，所以呢个感觉好清新👍🏻之后我哋就食刺身。个名好特别，叫做时不知😍。到刺身嚟到嘅时候就发现原来系野生三文鱼刺身😍我觉得野生三文鱼嘅味道系比较浓郁。个肉质就比较结实同爽口。再配埋个特别嘅酱，令到三文鱼嘅鲜味更加突出👍🏻再食就系左口鱼矶边卷😍。有Surprise🤤。佢用紫菜卷住件左口鱼鱼生。真系超级大件，味道鲜美😋。真系啖啖肉😋。超正！食完一轮比较淡口味嘅寿司刺身之后，就到一夜干香鱼 🤤。佢个鱼皮烧到少少㶶，侧边亦都烧到脆卜卜。食落口非常香口同惹味😋跟住试埋食埋佢个甜品，就完完全全咁将我呢一餐劲满足嘅生日饭画上左一个完美嘅句号😍😍我同我男朋友讲，下年一定要再嚟过😋