廚十三老壇酸菜魚 (亨環‧天后) (已結業)

今晚去天后附近揾食，行过见到有个新商场，里面有间我都十分喜欢食嘅餐厅，当然唔使想上去啦，全层都系餐厅，地方阔落，装修格局同其他分店差不多，坐下望望餐牌就可以落单，当然个老坛酸菜鱼系必点，份量两人份都十分足够，加埋啲配料，当然系最爱嘅厚切午餐肉，同埋个弹牙烟韧嘅米线，另小食当然要点这里嘅招牌小食酥炸无脸男，同埋个麻辣牛𦟌！麻辣牛𦟌上枱大碟，牛𦟌一片片叠住浸在香浓嘅麻辣酱汁上，入口肉质口感比较烟韧，但味道比较鲜美，不肥不腻，加上麻辣味道入口味道份外浓郁！酥炸无脸男，其实系炸猪肉条，炸得十分香脆，加埋少少辣粉入口十分刺激！当中猪肉条有肥有瘦嘅位置，一咬开时肥美嘅油脂从中渗出感觉十分正！主角就系用大碗上嘅老坛酸菜鱼，望见都已经开始流口水，材料十足有大量爽口浓味酸菜之余，还有大大块嘅鱼片，啖啖肉没有骨，真系啱晒最怕有骨嘅我啦！而当中还有爽口嘅莲藕片，加埋厚切嘅午餐肉，大大块啖啖肉，真系真材实料！米线虽然一早浸在汤中，但仍然都系烟韧爽口配埋个汤底入口，米线真系份外好味！高里座位舒适座位阔落，加埋店员殷勤嘅招待，整体十分满意！