影片
更多
2022-08-06
880 浏览
朋友系地胆，特登带我哋嚟食好西，大家吹住水行行吓，朋友无啦啦停低，原来已经到咗，铺头位置都几隐蔽，唔留神真系会直接行过咗铺头大概有十个位左右，当晚全店满座一个师傅负责𝑆𝑒𝑟𝑣𝑒我哋四个𝐵𝑜𝑜𝑘位嘅时候，朋友已经系𝑊𝑡𝑠同师傅沟通过有咩海鲜想食同唔食其实我哋咩都想试，都冇乜嘢系唔食去到师傅都循例问多我哋一次有冇嘢唔食，系贴心嘅入座即奉上茶同渍物，渍物有腌萝卜、腌子姜、鲜长芋长芋即系日本准山，第一次生食准山，好新奇个人觉得生准山好食过熟准山，口感爽脆，带有少少潺师博见到客人碟上嘅渍物食得𝟽𝟽𝟾𝟾，会自动添加 以下系顺上菜次序分享： 前菜打头阵有水云醋，水云醋酸酸地，好开胃入面除咗有水云，仲加咗秋葵、长芋，令到卖相更精美 第二道菜系梭子鱼刺身，师傅将鱼皮炙烧过，更突出鱼嘅油香 第三道菜系北海道毛蟹&酱油八爪鱼，先食蟹肉蟹肉拆好晒，啱晒我呢啲钟意食蟹又懒得拆肉嘅人再叹埋我至爱嘅八爪鱼，好满足 第四道菜系利尻海胆墨鱼寿司，老公最钟意呢道菜呢道菜睇得出好考功夫，见师傅拎咗盒利尻产海胆出嚟再将切好嘅墨鱼片好温柔咁包住啲海胆，要做到啲海胆唔爆出嚟，真系高难度再加埋鱼子酱点缀，劲精致，海胆同墨鱼都
大家吹住水行行吓，朋友无啦啦停低，原来已经到咗，
铺头位置都几隐蔽，唔留神真系会直接行过咗
铺头大概有十个位左右，当晚全店满座
一个师傅负责𝑆𝑒𝑟𝑣𝑒我哋四个
𝐵𝑜𝑜𝑘位嘅时候，朋友已经系𝑊𝑡𝑠同师傅沟通过有咩海鲜想食同唔食
其实我哋咩都想试，都冇乜嘢系唔食
去到师傅都循例问多我哋一次有冇嘢唔食，系贴心嘅
入座即奉上茶同渍物，渍物有腌萝卜、腌子姜、鲜长芋
长芋即系日本准山，第一次生食准山，好新奇
个人觉得生准山好食过熟准山，口感爽脆，带有少少潺
师博见到客人碟上嘅渍物食得𝟽𝟽𝟾𝟾，会自动添加
以下系顺上菜次序分享：
前菜打头阵有水云醋，水云醋酸酸地，好开胃
入面除咗有水云，仲加咗秋葵、长芋，令到卖相更精美
第二道菜系梭子鱼刺身，师傅将鱼皮炙烧过，更突出鱼嘅油香
第三道菜系北海道毛蟹&酱油八爪鱼，先食蟹肉
蟹肉拆好晒，啱晒我呢啲钟意食蟹又懒得拆肉嘅人
再叹埋我至爱嘅八爪鱼，好满足
第四道菜系利尻海胆墨鱼寿司，老公最钟意呢道菜
呢道菜睇得出好考功夫，见师傅拎咗盒利尻产海胆出嚟
再将切好嘅墨鱼片好温柔咁包住啲海胆，要做到啲海胆唔爆出嚟，真系高难度
再加埋鱼子酱点缀，劲精致，海胆同墨鱼都好鲜甜
第五道菜系金目鲷配炸金目鲷鱼鳞，呢道系朋友话必试
果然名不虚传，肉质细嫩，再加炸鱼鳞，够晒惹味香口
连鱼鳞都用埋冇浪费，真心欣赏
第六道菜系北海道赤鲍鱼，有两块厚切鲍鱼，心心眼
鲍鱼劲淋，入口满满幸福，呢道菜系我最钟意
师傅教先食一块原味，另一块沾鲍鱼肝酱食
个人比较钟意原味多啲，更加食到鲍鱼嘅鲜味
鲍鱼肝酱都香，用嚟沾饭团仔就一流
第七道菜系赤鯥，呢个要用手接，有湿纸巾提供俾客人抺干净只手先
轻轻炙热过嘅赤鯥，配埋多到就泻嘅鱼子
再用脆卜卜嘅紫菜包住，油脂香充满晒成个口腔
第八道菜系北海道荣螺，呢道菜由靓女姐姐(妹妹)捧上
用咗螺壳装住啲螺肉同汤，螺肉切到大大粒，份量算多
肉质都Ok，唔会煮过龙，但个汤就好咸
朋友之前嚟试过同一道菜，话个汤劲鲜甜，今次重手咗
第九道菜系北海道甘海老寿司，
甜虾好新鲜，再加埋樱花虾干，好香
第十道菜系沙甸鱼寿司，有少少腥，大家都一致认为呢个唔太啱口味
如果下次问有咩嘢唔食，可以答沙甸鱼哈哈
第十一道菜系烧鳗鱼，朋友大爱
鳗鱼烧得啱啱好，外脆内软
系略嫌有啲漏，再加上我食到呢到已经有少少饱肚感
另一旧我俾咗老公食，留返个肚食其他好西
第十二道菜系北海道白粟米刺身，
系日本出本先够胆生食，睇个样平平无奇
一食落原来劲甜劲有粟米味劲爆汁，超正
第十三道菜系百日熟成吞拿鱼寿司，
百日熟成青森县大间钓，听个名都知系正野
但我唔好吞拿鱼，食唔出咩大道理，牛嚼牡丹
第十四道菜系炭烧百日熟成吞拿鱼寿司，
同一种鱼，但两种食法，呢款系用备长炭烘过
见师傅准备晒架生，好似睇紧表演咁
如果同上道菜比较，我会钟意呢道多啲，钟意个炭香味
第十五道菜系北海道角螺刺身，爽口又鲜甜，最钟意呢啲爽脆嘅口感
第十六道菜系北海道白象拔蚌寿司，用嚟做刺身已经正
第十七道菜系马粪海胆寿司，我系食唔出利尻产同呢款有咩分别
但可以讲嘅系两款都好鲜甜，食完会仲想食
第十八道菜系厚烧玉子，入面加咗虾，就算师傅冇讲都食得出
多咗虾嘅鲜味，好食过出面嘅玉子，同埋冇咁甜
第十九道系鱼汤，比较清淡
第二十道系北海道哈密瓜配焦糖布甸，靓女姐姐(妹妹)提我哋先食瓜再食布甸，布甸甜度啱啱好
真系劲满足，为今餐画上完美句号
我同朋友就饱到上心口，冇谂过会咁饱
但老公唔够饱，师傅整多件白身鱼寿司同干瓢手卷俾佢
我好奇试咗啖干瓢，超级甜，我麻麻地
师傅话个馅系用瓜整，又识多样野
我另外叫咗杯巨峰乳酸梳打，够晒酸好好饮
师傅好专业又𝑛𝑖𝑐𝑒，有问必答，今餐饭学到好多野
我哋唔记得啲鱼名，师傅都不厌其烦重复同我哋讲
又有效率，我哋迟嚟，但食嘅进度仲快过隔离枱
(其实系我一个令到全村人迟到，真系唔应该迟到🙇🏿♀️)
完全唔觉得食到好𝑐ℎ𝑢𝑟，仲有时间俾我哋慢慢影相打卡
仲有两个靓女姐姐(妹妹)帮手，服务态度同样一级棒，又会同客人倾吓计
成餐饭食得好轻松，一啲都唔觉得拘谨
朋友果然冇介绍错，有机会一定再嚟
张贴
