Cow Bean (荃灣廣場) (已結業)

是日OT完，为左慰劳大家既辛劳，齐齐食好西刚刚开业时人流极多，经常系午饭或晚饭时间大排长龙。今日OT完都已经9点几，人流不多，但几乎满座。店内环境尚算宽敞，有多种座位摆放，适合自己一个人、情侣或一班朋友食。个人叫左最抵食既澳洲肉眼扒，300G只系$119。侍应落单时唔会向客人查询要几成熟，当时我地觉得好奇怪原来已经预定左上菜时，只会煎到３－４成熟，客人需要系上菜后切开，然后等铁板慢慢烤熟。上菜啦～～不过铁板上枱后，唔系烧得好热，好快就散晒啲热气。而图中可见，牛扒有血水渗出，应该用左好猛火去煎所以牛扒外面煎得十分焦香，而且稍为难切开，但能够保留较多肉汁，肉质软淋，味道不错。套餐+$29有沙律、薯条同汤，另+$9有饮品。埋单每人$150左右，尚算抵食。下次要试下其他牛扒，一较高下。