一鳴拉麵

营业中

休息中

无意中发现大埔墟呢一间充满日本特色嘅拉面，一入到去就见到有吧枱可以望住师傅煮嘢食，有几张小枱。见到墙身贴满唔同特色同意思嘅日本海报，真系好似去咗日本𠮶啲居酒屋咁。呢度下单嘅方法系自己圈出自己嘅个人喜好，我哋都叫咗黑蒜鸣猪软骨曲拉面同焰鸣叉烧直拉面🍜，然后软硬度，辣度等都可以因应自己嘅喜好去选择。面一上，就闻到一阵阵嘅蒜香味同埋猪软骨配合樱花虾味。个人认为食面既主角系汤底，两者一啲都唔油腻同咸，秘制汤底配合小小既辣粉去刺激味蕾，好爽至于配料猪软骨同叉烧，量多之余仲入口即融小食方面，我哋叫咗芝士粟米玉子烧，粟米粒粒分明，芝士溶咗喺蛋之中，味道适中，就连我唔太钟意食芝士嘅人都觉得好好味。温馨提示，呢个要趁热食啊，如果冻咗芝士硬d就冇咁好食！另外我哋仲叫咗炸鸡软骨同几串烧物，鸡软骨点沙律酱，呢个组合系天衣无缝串物当中，比较深刻嘅系牛柳粒，因为佢唔会太烟韧，一入口已经即刻充满牛香味。其他串物就觉得普普通通。不过整体来讲系大满足，一定会再嚟食过